ນັກທ່ອງທ່ຽວກວ່າ 40 ຄົນສ່ວນໃຫຍ່ເປັນຜູ້ສູງອາຍຸຊາວຈີນ ໄດ້ຮັບຄວາມຊ່ວຍເຫຼືອໃນມື້ນີ້ ພາຍຫຼັງຈາກພວກເຂົາຕ້ອງໂດດລົງແພຊູຊີບພາຍຫລັງໄຟໄໝ້ເຮືອທ່ອງທ່ຽວອົດສະຕຣາລີ.

ເຮືອສະປີຣິດອອຟ 1770 ປະສົບເຫດໄຟໄໝ້ໃນຫ້ອງເຄື່ອງຈັກເມື່ອ 16:00 ໂມງ ລະຫວ່າງການນຳທ່ຽວໄປຍັງເກາະເລຕີມັສກຣາຟທາງແລວປະກາຮັງເກຣດແບຣີເອີຣີຟ ໜັງສືພິມທ້ອງຖິ່ນລາຍງານວ່າ ຜູ້ໂດຍສານ 42 ຄົນ ແລະ ລູກເຮືອ 4 ຄົນຕ້ອງສະຫຼະເຮືອ ແລະ ໂດດລົງນໍ້າກ່ອນລອຍນໍ້າມາຍັງແພຊູຊີບເມື່ອແລງວັນພຸດ ພວກເຂົາຕ້ອງລອຍຢູ່ກາງທະເລດົນຫຼາຍຊົ່ວໂມງ ຈົນເຮືອກູ້ໄພ 3 ລຳເດີນທາງມາເຖິງ ແລະ ພາກັບເຂົ້າຝັ່ງເພື່ອໃຫ້ໜ່ວຍກູ້ຊີບເບິ່ງແຍງໃນເບື້ອງຕົ້ນ ສ່ວນເຈົ້າໜ້າທີ່ກຳລັງກວດສອບສາເຫດ ຜູ້ເຫັນເຫດການກ່າວວ່າ ນັກທ່ອງທ່ຽວຫຼາຍຄົນເປັນຊາວຈີນສູງອາຍຸ ສ່ວນຄົນອື່ນມາຈາກການາດາ ນິວຊີແລນ ແລະ ອັງກິດ.