ຜູ້ຕາງໜ້າອົງການສະຫະປະຊາຊາດ ເພື່ອການພັດທະນາເສດຖະກິດ-ສັງຄົມ UNESCAP ເປີດເຜີຍໃນພິທີເຜີຍແຜ່ຜົນການສຳຫຼວດ ສະພາບເສດຖະກິດ-ສັງຄົມຢູ່ອາຊີ- ປາຊີຟິກ ປະຈຳປີ 2016 ນີ້ວ່າ: ເສດຖະກິດທົ່ວພາກພື້ນດັ່ງກ່າວ ມີການຂະຫຍາຍຕົວຊ້າ ໂດຍສ່ວນໜຶ່ງແມ່ນມາຈາກ ການຜະລິດທີ່ຫຼຸດລົງ, ດັ່ງນັ້ນອົງການ (UNESCAP) ໄດ້ແນະນຳໃຫ້ບັນດາປະເທດ ໃນຂົງເຂດດັ່ງກ່າວ ເພີ່ມຄວາມພະຍາຍາມກະຕຸ້ນ ຄວາມຕ້ອງການພາຍໃນປະເທດ ແລະ ພາກພື້ນໃຫ້ຫຼາຍຂຶ້ນ, ເພື່ອຊຸກຍູ້ການເຕີບໂຕທາງດ້ານເສດຖະກິດ ແລະ ຄວນສຸມໃສສົ່ງເສີມການຜະລິດ, ເພີ່ມຄ່າແຮງງານ ແລະ ຂະຫຍາຍການຜະລິດໃຫ້ຫຼາຍຂຶ້ນ, ລວມທັງ ສປປ ລາວ ເພື່ອຊຸກຍູ້ການເຕີບໂຕຂອງເສດຖະກິດ, ສຳລັບ ສປປ ລາວ ແລະ ສິ່ງສຳຄັນຕ້ອງຮັບປະກັນ ຄວາມສະເໜີພາບ ໃນການເພີ່ມຄ່າໃຊ້ຈ່າຍທາງສັງຄົມ ແລະ ການສ້າງຄວາມຫຼາກຫຼາຍທາງດ້ານເສດຖະກິດ.
ຜູ້ຕາງໜ້າອົງການ UNESCAP ກ່າວວ່າ: ສຳລັບບາດກ້າວຕໍ່ໄປ ຂອງການເຕີບໂຕທາງດ້ານເສດຖະກິດຢູ່ອາຊີ-ປາຊີຟິກ ຄວນໄດ້ຮັບການຂັບເຄື່ອນຈາກ ຜົນໄດ້ຮັບຈາກການຜະລິດຢ່າງກ້ວາງຂວາງ, ເຖິງວ່າການສົ່ງເສີມການຜະລິດດັ່ງກ່າວ ຕ້ອງໄດ້ນຳໃຊ້ງົບປະມານທີ່ເພີ່ມຂຶ້ນ ແລະ ສອດຄ່ອງກັບເປົ້າໝາຍ, ພັດທະນາທັດສະ, ປັບປຸງພື້ນຖານໂຄງລ່າງ ແລະ ຍົກສູງການຜະລິດກະສິກຳ ແລະ ປັບປຸງຄຸນນະພາບ ຂອງການເຕີບໂຕທາງດ້ານເສດຖະກິດໄປສູ່ຄວາມສົມສ່ວນ ແລະ ຍືນຍົງ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!