ການ​ລົງ­ທຶນ​ພັດ­ທະ­ນາ​ຊົນ­ນະ­ບົດແລະ​ລົບ​ລ້າງ​ຄວາມ­ທຸກ​ຍາກ ເພື່ອ​ໃຫ້​ເສດ­ຖະ­ກິດ​ຂອງ​ແຂວງ​ມີ​ການ​ຂະ­ຫຍາຍ­ຕົວ​ເປັນ​ກ້າວໆ.

ອີງ​ຕາມ​ຂໍ້​ມູນ​ພະ​ແນກ​ແຜນ ການ ແລະ​ການ​ລົງ­ທຶນ ແຂວງ​ຜົ້ງ ສາ­ລີ​ໃຫ້​ຮູ້​ວ່າ: ໃນ​ສົກ​ປີ 2014- 2015 ລັດ­ຖະ­ບານ​ໄດ້​ອະ­ນຸ­ມັດ ໂຄງ­ການ, ການ​ລົງ­ທຶນ​ລັດ​ໃຫ້ ແຂວງ​ຜົ້ງ​ສາ­ລີ​ມີ​ທັງ​ໝົດ 93 ໂຄງ ການ, ລວມ​ມູນ​ຄ່າ​ທັງ​ໝົດ 63,51 ຕື້​ກີບ, ໃນ​ນັ້ນ ທຶນ​ປົກ­ກະ­ຕິ 41 ຕື້​ກີບ,ທຶນ​ພັດ­ທະ­ນາ​ຊົນ­ນະ­ບົດ ແລະ​ລົບ ລ້າງ​ຄວາມ­ທຸກ​ຍາກ 6 ຕື້​ກີບ ທຶນ ຈັດ​ສັນ​ພູມ­ລຳ­ເນົາ 2,51 ຕື້​ກີບ, ທຶນ ພັດ­ທະ­ນາ​ຕົວ​ເມືອງ​ໃໝ່ 10 ຕື້​ກີບ, ທຶນ​ໂຄງ­ການ​ເປົ້າ​ໝາຍ​ສະ­ເພາະ 4 ຕື້​ກີບ, ໃນ 1 ປີ­ຜ່ານ­ມາ​ສາ­ມາດ​ຈັດ ຕັ້ງ​ປະ­ຕິ­ບັດ ແລະ​ຊຳ­ລະ​ສະ​ສາງ ຜ່ານ​ຄັງ​ເງິນ​ເປັນ​ມູນ​ຄ່າ 63,51 ຕື້​ກີບ, ກວມ 100% ຂອງ​ການ​ລົງ ທຶນ​ທັງ​ໝົດ.

ທັງ​ນີ້ ວຽກ​ງານ​ສົ່ງ­ເສີມ​ການ ລົງ­ທຶນ​ໃນ​ໄລ­ຍະ 1 ປີ­ຜ່ານ­ມາ​ໄດ້​ອະ­ນຸ­ມັດ​ການ​ລົງ­ທຶນ​ຂອງ​ພາກ​ເອ­ກະ​ຊົນ​ພາຍ​ໃນ ແລະ​ຕ່າງ­ປະ­ເທດທັງ​ໝົດ 9 ໂຄງ­ການ, ມູນ​ຄ່າ 13,53 ລ້ານ​ໂດ​ລາ​ສະ­ຫະ­ລັດ, ໃນ​ນັ້ນ ນັກ​ລົງ­ທຶນ​ພາຍ​ໃນ​ມີ 3 ໂຄງ­ການ​ມູນ​ຄ່າ 0,77 ລ້ານ​ໂດ ລາ​ສະ­ຫະ­ລັດ ແລະ​ຕ່າງ­ປະ­ເທດ​ມີ 6 ໂຄງ­ການ ມູນ​ຄ່າ 12,76 ລ້ານ ໂດ​ລາ​ສະ­ຫະ­ລັດ,

ປະ­ຈຸ​ບັນ​ການ​ລົງ­ທຶນ​ພາກ​ເອ ກະ​ຊົນ​ພາຍ​ໃນ ແລະ​ຕ່າງ­ປະ­ເທດ ມີ​ທັງ​ໝົດ 84 ໂຄງ­ການ, ມູນ​ຄ່າ 119,17 ລ້ານ​ໂດ​ລາ​ສະ­ຫະ­ລັດ, ການ​ລົງ­ທຶນ​ເອ­ກະ​ຊົນ​ພາຍ​ໃນ​ມີ 35 ໂຄງ­ການ, ມູນ​ຄ່າ 16,65  ລ້ານໂດ​ລາ​ສະ­ຫະ­ລັດ, ກວມ 13,97% ແລະ​ການ​ລົງ­ທຶນ​ພາກ​ເອ­ກະ​ຊົນ ຕ່າງ­ປະ­ເທດ​ມີ 49 ໂຄງ­ການ, ມູນ ຄ່າ 102,51 ລ້ານ​ໂດ​ລາ​ສະ­ຫະ ລັດ​ກວມ 86,02% ຂອງ​ການ ລົງ­ທຶນ​ທັງ​ໝົດ.

ຂ່າວຈາກ: ເສດຖະກິດ-ສັງຄົມ