ການຝຶກກຳນົດລົມຫາຍໃຈເຂົ້າອອກ ດ້ວຍການຫາຍໃຈ 3 ລະດັບ ຊ່ວຍໃຫ້ຜ່ອນຄາຍຄວາມຄຽດຈາກຄວາມຢ້ານ ແລະ ຄວາມເຈັບປວດໃນເວລາເກີດລູກໄດ້ ສຳລັບແມ່ມານທີ່ຖືພາເຂົ້າສູ່ໄລຍະຈະເກີດລູກແລ້ວ ແມ່ນລອງຝຶກການຫາຍໃຈເພື່ອນຳໄປໃຊ້ໃນເວລາທີ່ທ່ານເກີດລູກ
ການຫາຍໃຈ 3 ລະດັບ ພ້ອມເບັ່ງ
- ຫາຍໃຈລ້າງປອດ ຄືການສູດລົມຫາຍໃຈເຂົ້າເລິກໆ ໂດຍການໃຊ້ມືຂ້າງໃດຂ້າງໜຶ່ງວາງເທິງທ້ອງ (ຖ້າຫາຍໃຈຖືກວິທີທ້ອງຈະປ່ອງຂຶ້ນ) ຈາກນັ້ນຄ່ອຍໆຜ່ອນລົມອອກຈາກປາກຊ້າໆ ທ່ານຄວນເຮັດແບບນີ້ 6-9ຄັ້ງ/1ນາທີ
- ການຫາຍໃຈລະດັບເອິກ ຄືການສູດລົມຫາຍໃຈເຂົ້າເຖິງລະດັບເອິກ ໂດຍໃຊ້ມືຂ້າງໃດຂ້າງໜຶ່ງວາງໄວ້ທີ່ເອິກ (ຖ້າຫາຍໃຈຖືກເອິກຈະພອງຂຶ້ນ) ຈາກນັ້ນຄ່ອຍໆຜ່ອນລົມອອກຈາກປາກຊ້າໆ
- ການຫາຍໃຈລະດັບຄໍ ຄືການສູດລົມຫາຍໃຈໃນລັກສະນະຕື້ນໆ ໄວໆໂດຍຫາຍໃຈເຖິງລະດັບຄໍ ແລ້ວຫາຍໃຈອອກ ທາງປາກຖີ່ໆ