spot_img
Homeຂ່າວການພັດທະນາກະຊວງໄປສະນີ ເປີດນຳໃຊ້ໂປຣແກຣມອ່ານອອກສຽງເປັນພາສາລາວ ໃນຄອມພິວເຕີ

ກະຊວງໄປສະນີ ເປີດນຳໃຊ້ໂປຣແກຣມອ່ານອອກສຽງເປັນພາສາລາວ ໃນຄອມພິວເຕີ

Published on

ກະຊວງ​ໄປສະນີ ໂທລະ​ຄົມມະນາຄົມ ແລະ ການ​ສື່ສານ ຮ່ວມ​ກັບ​ສະມາຄົມ​ຄົນ​ພິການ​ຕາ​ລາວ ເປີດ​ນຳ​ໃຊ້​ໂປຣ​ແກຣມ​ອ່ານ​ອອກສຽງ​ເປັນ​ພາສາ​ລາວ ໃນ​ລະບົບ​ຄອມ​ພິວ​ເຕີ ໃນ​ວັນ​ທີ 9 ພຶດສະພາ 2016 ນີ້​ຢູ່​ນະຄອນ​ຫຼວງ​ວຽງ​ຈັນ ເຊິ່ງ​ໂປຣ​ແກມ​ດັ່ງກ່າວ ​ແມ່ນ​ໃຊ້​ໃນ​ການ​ອ່ານ​ຂໍ້ຄວາມ​ພາສາ​ລາວ​ ໃຫ້​ເປັນ​ສຽງ​ຄຳ​ເວົ້າ ທັງ​ຈະ​ເຮັດ​ໜ້າທີ່​ສົມ​ທຽບ​ຂໍ້ຄວາມ​ທີ່​ຈະ​ອ່ານ ​ໃສ່​ກັບ​ຖານ​ຂໍ້​ມູນ​ສຽງ​ທີ່​ມີ​ລະບົບ​ໂປຣ​ແກຣມ ຈາກ​ນັ້ນ ກໍ່​ສະແດງ​ສຽງ​ຄຳ​ເວົ້າ​ທີ່​ສອດຄ່ອງ​ກັບ​ຂໍ້ຄວາມ​ອ່ານ​ອອກ​ມາ ວິທີ​ການ​ນີ້​ແມ່ນ​ເຕັກນິກ​ໃໝ່ ​ທີ່​ມີ​ຄວາມ​ຊັດ​ເຈນ​ຫຼາຍ​ທີ່​ສຸດ​ ຈາກ​ການ​ນຳ​ໃຊ້​ໂປຣ​ແກຣມ​ດັ່ງກ່າວ ເຊິ່ງ​ສາມາດ​ອ່ານ​ທຸກ​ຂໍ້ຄວາມ​ທີ່​ສະແດງ​ໃນ​ໜ້າ​ຄອມ​ພິວ​ເຕີ ຫຼື ຕາມ​ຈຸດ​ທີ່​ລູກ​ສອນ​ເມົ້າ​ຊີ້​ໄປ ແລະ ຍັງ​ສາມາດ​ສະແດງ​ສຽງ​ຂອງ​ຕົວ​ອັກສອນ​ໃນ​ເວລາ​ກົດ​ປຸ່ມ​ແປ້ນ​ພິມ.

ທ່ານ ພົນ​ປະສິດ ພິດສະ​ໄໝ ຫົວໜ້າ​ສູນ​ບໍລິຫານ​ລັດ​ດ້ວຍ​ເອ​ເລັກ​ໂຕ​ຣນິກ ກະຊວງ​ໄປສະນີ ​ໂທລະ​ຄົມມະນາຄົມ ​ແລະ ການ​ສື່ສານ ​ໄດ້​ກ່າວ​ວ່າ: ​ເປັນເວລາ​ສອງ​ປີກວ່າ ທີ່​ພາກສ່ວນ​ກ່ຽວຂ້ອງໄດ້​ດຳ​ເນີນ​ການ​ຄົ້ນຄວ້າ​ພັດທະນາ, ປັດຈຸບັນ​ໄດ້​ສຳ​ເລັດ​ການ​ສ້າງ​ໂປຣ​ແກຣມນີ້​ອອກ​ມາ, ພາຍຫລັງ​ທີ່​ມີ​ການ​ຕິດ​ຕັ້ງ ​ແລະ ຝຶກອົບຮົມ​ນຳ​ໃຊ້​ໃຫ້​ແກ່​ສະມາຄົມ​ຄົນ​ພິການ​ຕາລາ​ວ ​ໃນ​ໄລຍະໜຶ່ງ ກໍ​ເຫັນ​ວ່າ​ໄດ້​ຮັບ​ການ​ຕອບ​ຮັບ​ຈາກ​ຜູ້ນຳ​ໃຊ້ ກໍ​ຄື​ຄົນ​ພິການ​ຕາ​ເປັນ​ຢ່າງ​ດີ ​ເຮັດ​ໃຫ້​ເຂົາ​ເຈົ້າ​ສາມາດ​ນຳ​ໃຊ້​ຄອມ​ພິວ​ເຕີ ຊອກ​ຫາ​ຂໍ້​ມູນ​ທາງ​ອິນ​ເຕີ​ເນັດ ​ແລະ ສາມາດ​ພິມ​ພາສາ​ລາວ ​ໃນ​ຄອມ​ພິວ​ເຕີ​ໄດ້. ຈາກ​ການ​ນຳ​ໃຊ້ ​ໂປຣ​ແກຣມນີ້ ​ເຮັດ​ໃຫ້​ນັກຮຽນ​ຄົນ​ພິການ​ຕາ ສາມາດ​ທີ່​ຈະ​ເຂົ້າ​ຮຽນຮ່ວມ​ກັບ​ນັກຮຽນ​ທົ່ວ​ໄປ ​ໃນ​ໂຮງຮຽນ​ສາມັນ​ໄດ້ ​ເພາະ​ຜ່ານ​ມາໄດ້​ມີ​ການ​ທົດ​ລອງ​ຮຽນ​ຮ່ວມ​ກັນ ຢູ່​ມະຫາວິທະຍາ​ໄລ​ແຫ່ງ​ຊາດ.

ທ່ານ ພົນ​ປະສິດ ພິດສະ​ໄໝ​ ກ່າວ​ຕື່ມ​ອີກ​ວ່າ: ເຖິງ​ແມ່ນ ​ໂປຣ​ແກຣມທີ່​ພັດທະນາ​ຂຶ້ນ​ມາ​ນີ້ ຈະ​ສາ ມາດ​ນຳ​ໃຊ້​ແຕ່​ໃນ​ອຸປະກອນ​ຄອມ​ພິວ​ເຕີກໍ​ຕາມ ​ແຕ່​ທາງ​ກະຊວງ ຍັງ​ມີ​ແຜນ​ສືບຕໍ່ພັດທະນາ​ໃຫ້​ສາມາດ​ນຳ​ໃຊ້​ໃນ​ລະບົບ​ມື​ຖື​ ​ເພາະ​ການ​ນຳ​ໃຊ້​ໃນລະບົບ​ມື​ຖື​ໄດ້ ບໍ່ພຽງ​ແຕ່​ຈະ​ສ້າງ​ຄວາມ​ສະດວກ​ໃຫ້​ຄົນ​ພິການ​ຕາ​ເທົ່າ​ນັ້ນ ​ແຕ່​ຍັງ​ຈະ​ໄດ້​ກຸ່ມ​ຜູ້​ຊົມ​ໃຊ້​ອື່ນໆ​ອີກ ​ໂດຍ​ສະ​ເພາະ​ຜູ້​ຊົມ​ໃຊ້​ອາຍຸ​ສູງ. ໂຄງການ​ພັດທະນາ​ໂປ​ຣ​ແກຣມ ອ່ານ​ອອກສຽງ​ພາສາ​ລາວ​ ​ແມ່ນ​ໜຶ່ງ​ໃນ​ການ​ຜັນ​ຂະຫຍາຍ​ແຜນ​ຍຸດ​ທະ​ສາດ​ຂອງ​ການ​ພັດທະນາ​ເຕັກ​ໂນ​ໂລ​ຊີ​ສື່ສານ​ຂໍ້​ມູນ​ຂ່າວ ສານ​ຂອງ​ກະຊວງ​ໄປສະນີ ​ແລະ ​ໂທລະ​ຄົມມະ ນາຄົມ ​ແລະ ການ​ສື່ສານ ​ພາຍ​ໃຕ້​ແນວ​ຄວາມ​ຄິດສ້າງ ​ດີ​ຈີ​ຕອນ​ຂອງ​ທຸກຄົນ.

ສໍາລັບ​ຄົນ​ທົ່ວ​ໄປ​ແລ້ວ​ອາດ​ຈະ​ມີ​ຫລາຍ​ທາງ​ເລືອກ​ທີ່​ຈະ​ຊອກ​ຫາ​ນໍາ​ໃຊ້​ສິ່ງ​ທີ່​ງ່າຍ, ສະ​ດວກ ​ແລະ ທັນ​ສະ​ໄໝ ​ແຕ່​ສໍາລັບ​ຄົນ​ພິການ​ຕາ​ນັ້ນ ​ເຖິງ​ແມ່ນ​ວ່າ​ເຕັກ​ໂນ​ໂລ​ຊີ​ຈະ​ຊັບ​ສົນ​ປານ​ໃດ​ກໍ​ຕາມ ຂໍ​ພຽງ​ແຕ່ມີ​ໂອກາດ​ກໍ​ຈະ​ບໍ່​ຫລົດ​ລະ​ຄວາມ​ພະຍາຍາມ​ທີ່​ຈະ​ຮຽນ​ຮູ້​ນໍາ​ໃຊ້, ສະ​ນັ້ນ​ ທາງ​ໂຄງການ​ອະ ນຸຍາດ​ໃຫ້​ທຸກ​ພາກ​ສ່ວນ​ໄດ້​ນໍາ​ເອົາ​ໂປ​ຣ​ແກຣມ​ໄປ​ນໍາ​ໃຊ້​ໂດຍ​ບໍ່​ໄດ້​ເສຍ​ຄ່າ, ພ້ອມ​ທັງເປີດ​ໂອກາດ​ໃຫ້​ບັນດາ​ນັກ​ຄົ້ນ​ຄ້ວາ​ຕ່າງໆ​ເອົາ​ໂປ​ຣແກຣມ​ໄປ​ປະຍຸກ​ນໍາ​ໃຊ້ ຫລື ພັດທະນາ​ຕໍ່ໍ່ ​ເພື່ອ​ສ້າງຄວາມ​ສາມາດ​ຂອງ​ການ​ນໍາ​ໃຊ້​ໂປ​ແກຣມ​ໃຫ້​ມີ​ຄວາມ​ຫລາກ​ຫລາຍ.

ພາບແລະຂ່າວ: ລາວພັດທະນາ

 

 

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...