ຕ້ອງບອກກ່ອນເລີຍວ່າ ຖ້າກະໂລທີ່ເຮືອນຂອງທ່ານເປັນແບບຫີນອ່ອນ ແລະ ຫີນແກຣນິດ ບໍ່ແນະນຳໃຫ້ໃຊ້ສູດນີ້ເພາະນ້ຳສົ້ມສາຍຊູມີລິດຮຸນແຮງໃນການກັດແຜ່ນຫີນອ່ອນ ແລະ ຫີນແກຣນິດ ແຕ່ຖ້າເປັນແຜ່ນກະໂລທຳມະດາກໍ່ເຊັດໄດ້ສະບາຍ
ວິທີເຮັດ: ປະສົມນ້ຳລ້າ 1 ສ່ວນ ແລະ ນ້ຳສົ້ມສາຍຊູ 2 ສ່ວນ ຈາກນັ້ນເທລົງໃສ່ຕຸກສີດສະເປ ແລ້ວນຳໄປສີດຕາມຮ່ອງຢາແນວທີ່ມີຄາບເປື້ອນແລ້ວ ປ່ອຍໄວ້ປະມານ 15 ນາທີ ແລ້ວໃຊ້ຟອງນ້ຳເຊັດຄາບອອກໃຫ້ກ້ຽງ ແລະ ນຳແບັກກິ້ງໂຊດາມາໂຮຍພື້ນອີກຄັ້ງເພື່ອດູດສານຕົກຄ້າງຈາກນ້ຳສົ້ມສາຍຊູອອກໃຫ້ໝົດ ແລ້ວໃຊ້ແປງຂັດຄາບດຳອອກຢ່າງສະບາຍມື ຫຼັງຈາກນັ້ນກໍ່ລ້າງອອກດ້ວຍນ້ຳສະອາດກໍ່ເປັນອັນສຳເລັດ