ການຕິດຕັ້ງ car seat ເບິ່ງຄືງ່າຍ ແລະ ທ່ານເອງກໍ່ສາມາດຕິດຕັ້ງໄດ້ ແຕ່ພໍ່ແມ່ຫຼາຍທ່ານອາດຍັງບໍ່ເຂົ້າໃຈກ່ຽວກັບທິດທາງທີ່ຖືກຕ້ອງໃນການຕິດຕັ້ງ ເຊິ່ງມັນມີຄວາມສຳຄັນແບບໃດນັ້ນເຮົາມາຮູ້ກັນເລີຍ

ນັ່ງ car seat ແບບຫັນໜ້າອອກໄປທາງຫົວລົດມີຄວາມສ່ຽງແນວໃດ?

ຈະເກີດຫຍັງຂຶ້ນກັບລູກນ້ອຍເມື່ອເວລາເກີດອຸບັດຕິເຫດລົດຕຳກັນ ເຖິງແມ່ນວ່າປ້ອງກັນດີທີ່ສຸດແລ້ວກໍ່ຕາມ ແຕ່ກໍ່ອາດເຮັດໃຫ້ລູກນ້ອຍເສຍຊີວິດໄດ້ ເນືອງຈາກເມື່ອລົດຕຳກັນທີ່ດ້ານໜ້າ ບ່າໄຫລ່, ຄໍ ແລະ ຫົວຂອງລູກ ຈະພຸ້ງໜ້າໃນຂະນະທີ່ຕົວລູກຖືກຮັດໄວ້ດ້ວຍສາຍຮັດ car seat ແຮງກະທົບອາດເຮັດໃຫ້ໂຄງຮ່າງກະດູກເຄື່ອນໄດ້ ອາດເຮັດໃຫ້ເດັກເປັນອຳມະພາດ, ຄໍຫັກ ແລະ ເສຍຊີວິດໄດ້

ເປັນຫຍັງຕ້ອງນັ່ງ car seat ຫັນຫຼັງໃສ່ຄົນຂັບລົດ?

ຫາກລູກນ້ອຍນັ່ງ car seat ແບບຫັນຫຼັງ ແຮງກະທົບຈະຖືກກະຈາຍອອກ ເຮັດໃຫ້ຫົວ, ຄໍ ແລະ ຫຼັງໄດ້ຮັບຄວາມກະທົບໜ້ອຍລົງ ເຊິ່ງຈະຊ່ວຍຫລຸດໂອກາດທີ່ລູກຈະໄດ້ຮັບບາດເຈັບສູງເຖິງ 90%

ດັ່ງນັ້ນ ພໍ່ແມ່ຄວນໃຫ້ລູກນັ່ງ car seat ແບບຫັນຫຼັງໃຫ້ດົນທີ່ສຸດ ຫຼື ຈົນກ່ວາອາຍຸຈະຮອດ 2 ປີ ຕາມຄຳແນະນຳຂອງສະມາຄົມແພດເດັກນ້ອຍສະຫະລັດອາເມລິກາ ນອກຈາກນີ້ໃນບາງປະເທດຍັງແນະນຳໃຫ້ນັ່ງເຖິງ 4 ປີອີກດ້ວຍ

ເພື່ອເຮັດໃຫ້ທ່ານໄດ້ເຫັນພາບຊັດເຈນຂຶ້ນເຮົາມີວິດີໂອມາໃຫ້ເບິ່ງ