ພາວະບົກຜ່ອງທາງຮໍໂມນມັກເກີດຂຶ້ນກັບເພດຊາຍທີ່ມີອາຍຸຕັ້ງແຕ່ 35-50 ປີ ແລະ ເມື່ອອາຍຸຫຼາຍກ່ວາ 60 ປີ ໃນຮ່າງກາຍຂາດຄວາມສົມດຸນ ຫຼື ຮໍໂມນໃນຮ່າງກາຍທີ່ສຳຄັນບາງຊະນິດຫລຸດໜ້ອຍລົງ 50% ເຊິ່ງສາເຫດຫຼັກແມ່ນແຫລ່ງຜະລິດຫຼັກຂອງຮໍໂມນເພດຊາຍ ເທສໂທສເຕີໂຣນ ທີ່ຢູ່ໃນອັນທະ ທີ່ມີບົດບາດສຳຄັນໃນການພັດທະນາທາງເພດ ຫລຸດລົງ ຈົນເຮັດໃຫ້ກາຍເປັນ ຄວາມບົກຜ່ອງຂອງຮໍໂມນ ນັ້ນເອງ
ລັກສະນະພາວະຄວາມບົກຜ່ອງຂອງຮໍໂມນສາມາດສັງເກດໄດ້ດັ່ງນີ້:
- ເລີ່ມມີອາລົມປັ່ນປ່ວນ, ຫຼົງລືມງ່າຍ ແລະ ນອນລັບບໍ່ສະໜິດດີ
- ຮູ້ສຶກອ່ອນເພຍງ່າຍ ກ້າມເນື້ອເລີ່ມບໍ່ແຂງແຮງຄືເມື່ອກ່ອນ
- ຮູ້ສຶກຊຶມເສົ້າເຫງົາຫງອຍ ຂາດຄວາມມ່ວນຊື່ນ ສົດໃສ
- ມີຄວາມຕ້ອງການທາງເພດຫລຸດລົງ
- ຄວາມສາມາດທາງເພດບົກຜ່ອງ ເຊັກສ໌ເສື່ອມ
ວິທີແກ້ໄຂພາວະບົກຜ່ອງທາງຮໍໂມນ
- ຫາກພົບວ່າມີອາການດັ່ງກ່າວເກີດຂຶ້ນຄວນໄປປຶກສາເພດເພື່ອຮັບການຮັກສາ
- ສາມາດຮັບປະທານອາຫານເສີມພາຍໃຕ້ການຄວບຄຸມຂອງແພດເພື່ອປັບເພີ່ມລະດັບຮໍໂມນໃນຮ່າງກາຍ
- ການອອກກຳລັງກາຍເພື່ອກະຕຸ້ນຮໍໂມນ ຄວນເຮັດເປັນປະຈຳຢ່າງໜ້ອຍ 45 ນາທີ/ຕໍ່ວັນ
- ເລືອກກິນອາຫານທີ່ມີປະໂຫຍດຕໍ່ຮ່າງກາຍ
- ການເຂົ້ານອນແຕ່ຫົວຄ່ຳເພື່ອຊ່ວຍໃຫ້ໄດ້ພັກຜ່ອນຫຼາຍຂຶ້ນ
- ການພັກຜ່ອນ ແລະ ທຳໃຈໃຫ້ສະບາຍ ເບິ່ງໂລກໃນແງ່ດີ ແລະ ບໍ່ຕ້ອງຄິດຫຼາຍ