ຢາສີແຂ້ວ ບໍ່ແມ່ນມີພຽງໄວ້ເຮັດຄວາມສະອາດແຂ້ວ ແລະ ປາກໃຫ້ສະອາດເທົ່ານັ້ນ ແຕ່ສັບພະຄຸນມັນຍັງສາມາດນຳໃຊ້ໄດ້ຫຼາຍຢ່າງ ເຊິ່ງຈະມີຫຍັງແນ່ເຮົາມາອ່ານກັນເລີຍ
- ເຮັດຄວາມສະອາດຕຸກນ້ຳທີ່ມີກິ້ນ ແລະ ຮອຍເປື້ອນແທນສະບູ ຫຼື ນ້ຳຢາລ້າງຖ້ວຍໄດ້
- ເຮັດຄວາມສະອາດປະເພດເຄື່ອງເງິນ, ທອງ ແລະ ເພັດໃຫ້ກັບມາເງົາງາມແວວວັບໄດ້ ແຕ່ບໍ່ສາມາດໄປຂັດໄຂ່ມຸກໄດ້ ເພາະຈະເຮັດໃຫ້ຜິວໄຂ່ມຸກເປັນຮອຍ
- ກຳຈັດຮອຍສົກກະປົກທີ່ຕິດຕາມເສື້ອຜ້າໄດ້ເຊັ່ນ: ຮອຍລິບສະຕິກ, ຮອຍຊອສ, ຮອຍນ້ຳໝາກໄມ້ ພຽງທາຢາສີແຂ້ວລົງທີ່ຮອຍດັ່ງກ່າວກ່ອນນຳໄປຊັກ (ບໍ່ຄວນໃຊ້ຢາສີແຂ້ວສູດໄວທ໌ເທນນິ້ງກັບຜ້າສີ)
- ເຮັດຄວາມສະອາດໂກບຕາໄຟລົດ ໂດຍການເຮັດຄວາມສະອາດໂກບຕາໄຟລົດດ້ວຍສະບູກ່ອນ ແລ້ວຈິ່ງໃຊ້ຢາສີແຂ້ວໄປຂັດຊ້ຳອີກຄັ້ງ
- ນຳຢາສີແຂ້ວມາຂັດເກີບໜັງໃຫ້ເງົາງາມແທນນ້ຳຢາຂັດເກີບໄດ້
- ຂັດແວ່ນຫ້ອງນ້ຳໃຫ້ໃສວາວວັບໄດ້
- ຂັດໜ້າແຜ່ນ ຊີດີ ທີ່ມີຮອຍຂີດເລັກໜ້ອຍໃຫ້ກັບມາຫຼິ້ນບໍ່ສະດຸດໄດ້
- ໃຊ້ຢາສີແຂ້ວລ້າງມືຈະຊ່ວຍໃຫ້ມືມີຄວາມຊຸ່ມຊື່ນ ແລະ ບໍ່ມີກິ່ນເໝັນ
- ຢາສີແຂ້ວເຮັດຄວາມສະອາດເຕົາລີດເຄື່ອງໄດ້ ໂດຍການສຽບເຕົາລີດໃຫ້ຮອ້ນກ່ອນແລ້ວຖອດໄຟອອກ ຈາກນັ້ນກໍ່ເອົາຜ້າຈຸ່ມນ້ຳປຽກໝາດໆ ແລ້ວບີບຢາສີແຂ້ວລົງບ່ອນຮອຍເປື້ອນທີ່ເຕົາລີດ ແລ້ວກໍ່ຄ່ອຍເອົາຜ້າມາເຊັດອອກ ເຊັດຈົນຮອຍເປື້ອນນັ້ນຫາຍໝົດ
- ໃຊ້ຂັດຫົວກັອກນ້ຳໃຫ້ສະອາດໄດ້
- ໃຊ້ເຮັດຄວາມສະອາດແຜ່ນຟີມໜ້າຈໍໂທລະສັບໄດ້
- ໃຊ້ຂັດອ່າງລ້າງໜ້າແທນນ້ຳຢາທຳຄວາມສະອາດຫ້ອງນ້ຳໄດ້