ເວລາປະມານ 18:20 ໂມງ ຂອງວັນທີ 4 ພຶດສະພາ 2016 ຜ່ານມານີ້, ເກີດມີພາຍຸຝົນ, ລົມແຮງ ແລະ ໝາກເຫັບຕົກ ຢູ່ບ້ານ ຫາດດອນແກ້ວ ເມືອງ ປາກທາ ແຂວງ ບໍ່ແກ້ວ. ນາງ ປິກ ປະຊາຊົນບ້ານຫາດດອນແກ້ວບອກວ່າ: ສະພາບອາກາດປີນີ້ຈັກເປັນແນວໃດ? ບາງມື້ກໍຮ້ອນແຮງໆ ແລະ ເກີດມີລົມຝົນຕົກຈົນຕັ້ງໂຕບໍ່ທັນ ຍິ່ງກວ່ານັ້ນຝົນຕົກຍັງມີໝາກເຫັບຕົກກະຈາຍຢ່າງຫລວງບໍ່ຄ່ອຍປົກເຫັນແບບນີ້ປານໃດ. ຜ່ານກໍໄດ້ເຫັນແຕ່ຂ່າວຢູ່ບ້ານເພີ່ນ ແຕ່ປັດຈຸບັນມັນເກີດຂຶ້ນໄດ້ທຸກໆບ່ອນ ສະນັ້ນຂໍໃຫ້ປະຊາຊົນມີສະຕິລະວັງໂຕຄວນປຸກເຮືອນໃຫ້ແໜ້ນໜາ, ຄວນຫລີກລ້ຽງບ່ອນທີ່ມີຄວາມສ່ຽງ.
ຕາມແຫລ່ງຂ່າວເບື້ອງຕົ້ນຍັງບໍ່ທັນມີການລາຍງານກ່ຽວກັບຄວາມເສຍຫາຍ ຫາກມີຄວາມຄືບໜ້າແນວໃດນັ້ນທາງເຮົາຈຳນຳມາແຈ້ງໃຫ້ຊາບອີກຄັ້ງ
ພາບ-ຂ່າວ: ສອດສ່ອງ