HTC ໄດ້ປະກາດເປີດໂຕສະມາດໂຟນລຸ້ນໃໝ່ສຳລັບຕະຫຼາດສະມາດໂຟນໃນໄຕ້ຫວັນນັັ້ນກໍຄື: Desire 830. ໂດຍລຸ້ນນີ້ແມ່ນຈະມາແທນທີ່ສະມາດໂຟນລະດັບກາງແບບ Desire 820 ທິ່ອອກແບບດ້ວຍປຼາສຕິກ. ໜຶ່ງໃນຈຸດເດັ່ນທີ່ສຳຄັນສຳລັບລຸ້ນນີ້ແມ່ນລະບົບສຽງແບບ BoomSound ທີ່ເປັນເອກະລັກຂອງ HTC.
ສຳລັບ Desire 830 ມີສັດສ່ວນຢູ່ທີ່ 157.5 x 78.9 x 7.79 ມມ ແລະໃນສ່ວນຂອບໂຕເຄື່ອງແລະວົງແຫວນອ້ອມຮອບກ້ອງ ແມ່ນຖືກອອກແບບມາດ້ວຍສີສັນທີ່ສວຍງາມ ແຕ່ວ່າມີພຽງແຕ່ 2 ສີເທົ່ານັ້ນຄື: ສີຟ້າ ແລະ ສີແດງ.
ໃນດ້ານສະເປັກຂອງ Desire 830 ແມ່ນໃຊ້ງານຊິບປະມວນຜົນ octa-core MediaTek Helio X10 ຄວາມແຮງຢູ່ທີ່ 1.5GHz, RAM 3GB ແລະພື້ນທີ່ໂຕເຄື່ອງ 32GB ສາມາດເພີ່ມ microSD ເສີມໄດ້ສູງສຸດ 128GB
ກ້ອງຫຼັງມີຄວາມລະອຽດ 13 ລ້ານພິກເຊວ ພ້ອມກັບລະບົບ OIS ແລະຮູຮັບແສງ f/2.0. ສ່ວນກ້ອງໜ້າມີຄວາມລະອຽດ 4 ລ້ານພິກເຊວ, ຮູຮັບແສງ f/2.0 UltraPixel. ໂຕເຄື່ອງບັນຈຸແບັດເຕີຣີຂະໜາດ 2,800mAh
ສຳລັບລາຄາຂອງ Desire 830 ທີ່ຈະຂາຍໃນໄຕ້ຫວັນວັນທີ 6 ພຶດສະພານີ້ ແມ່ນ 9900 NTD (2.520.000 ກີບ). ສຳລັບຂ່າວເລື່ອງການຈະນຳອອກມາຈຳໜ່າຍນອກປະເທດນັ້ນຕອນນີ້ຍັງບໍ່ມີລາຍງານອອກມາໃດໆ
ທີ່ມາ:gsmarena