ສຳນັກຂ່າວຕ່າງປະເທດ ລາຍງານໃນວັນທີ 3 ພຶດສະພານີ້ວ່າ ໃນມື້ວານນີ້ (2 ພຶດສະພາ) ທ່ານ ຟູມິໂອະ ກິຊິດະ ລັດຖະມົນຕີວ່າການ ກະຊວງການຕ່າງປະເທດຍີ່ປຸ່ນ ທີ່ກຳລັງຢູ່ຢ້ຽມຢາມປະເທດໄທ ຢ່າງເປັນທາງການ ໄດ້ປະກາດຂໍ້ລິເລີ່ມຊ່ວຍເຫລືອເງິນ 7 ຕື້ໂດລາ ພາຍໃນ 3 ປີຕໍ່ໜ້ານີ້ ເພື່ອແນໃສ່ຊຸກຍູ້ການພັດທະນາ ຢູ່ເຂດລຸ່ມແມ່ນ້ຳຂອງ ລວມມີບັນດາປະເທດອະນຸພາກພື້ນແມ່ນ້ຳຂອງຄື: ຫວຽດນາມ, ລາວ, ໄທ.
ທ່ານ ຟູມິໂອະ ກິຊິດະ ໄດ້ຕີລາຄາສູງຕໍ່ຄວາມສຳຄັນຂອງ ການພັດທະນາເສດຖະກິດຢູ່ພາກພື້ນອາຊີຕາເວັນອອກສ່ຽງໃຕ້ ສຳລັບລັດຖະບານ ກໍຄືນັກລົງທຶນຍີ່ປຸ່ນ ໂດຍຂໍ້ລິເລີ່ມດັ່ງກ່າວນີ້ ຈະຊ່ວຍເພີ່ມທະວີການຮ່ວມມື ລະຫວ່າງບັນດາປະເທດອາຊີຕາເວັນອອກສ່ຽງໃຕ້ ແລະ ຍີ່ປຸ່ນ.
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!