ສຳນັກຂ່າວຕ່າງປະເທດ ລາຍງານໃນວັນທີ 29 ເມສາຜ່ານມານນີ້ວ່າ ລັດຖະບານໃໝ່ຂອງມຽນມາ ໄດ້ສັ່ງຫ້າມຕັດໄມ້ ໃນຂອບເຂດທົ່ວປະເທດ ຊຶ່ງເປັນໜຶ່ງໃນຄວາມພະຍາຍາມຂອງພາກລັດ ໃນການອະນຸລັກພື້ນທີ່ປ່າໄມ້ ໂດຍທ່ານ ຈອນສ່ວຍບາ ເຈົ້າໜ້າທີ່ລະດັບສູງຂອງ ກະຊວງຊັບພະຍາກອນທຳມະຊາດ ແລະ ການອະນຸລັກສິ່ງແວດລ້ອມ ໄດ້ລະບຸວ່າ ມາດຕະການດັ່ງກ່າວນີ້ ຈະມີຜົນບັງຄັບໃຊ້ຄວບຄຸມໄມ້ສັກ ແລະ ໄມ້ເນື້ອແຂງອື່ນໆ ທົ່ວທັງປະເທດ.

ທັງນີ້ ໃນເດືອນເມສາປີ 2014 ເປັນຕົ້ນມາ ມຽນມາໄດ້ສັ່ງຫ້າມສົ່ງອອກໄມ້ທ່ອນ ເພື່ອຫລຸດຜ່ອນການຕັດໄມ້ທຳລາຍປ່າ ແລະ ສົ່ງເສີມໃຫ້ມີການແປຮູບພາຍໃນປະເທດ ເນື່ອງຈາກຂໍ້ມູນຂອງກະຊວງປ່າໄມ້ມຽນມາ ໄດ້ລະບຸວ່າ ພື້ນທີ່ປ່າໄມ້ທົ່ວປະເທດ ໃນປີ 2010 ຍັງເຫລືອພຽງ 47% ຈາກພື້ນທີ່ທັງໝົດ 58% ໃນປີ 1990.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!