ກະຊວງພະລັງງານ ແລະ ບໍ່ແຮ່ໃຫ້ຮູ້ວ່າ: ປັດຈຸບັນຕົວເລກການຊົມໃຊ້ໄຟຟ້າຢູ່ປະເທດເຮົາແມ່ນເພີ່ມຂື້ນຫຼາຍ, ເຮັດໃຫ້ບັນຫາການສະໜອງໄຟຟ້າຕໍ່ຜູ້ຊົມໃຊ້,ໂດຍສະເພາະແມ່ນລະດູແລ້ງຊຶ່ງຕ້ອງໄດ້ນຳເຂົ້າໄຟຟ້າຈາກບັນດາປະເທດໃກ້ຄຽງເຊັ່ນ: ຈີນ,ຫວຽດນາມ, ໄທ,ໃນລາຄາສູງກວ່າລາຄາສົ່ງອອກ ແລະຕາມການປະເມີນຂອງລັດຖະ ບານກ່ຽວກັບຕົວເລກການນຳໃຊ້ໄຟຟ້າໃນປີ ຜ່ານມາມີສູງເຖິງ 3000 ລ້ານກິໂລວັນໂມງ, ແຕ່ຍອດການຜະລິດມີພຽງ 15, 469ລ້ານກະໂລວັດໂມງ ແລະ ມາຮອດປັດຈຸບັນອັດຕາການຊົມໃຊ້ໄຟຟ້າກວມ 87 %
ຂອງຈຳນວນຄອບຄົວທັງໝົດໃນທົ່ວປະເທດ,ດັ່ງນັ້ນເພື່ອຮັບມືກັບການສະໜອງໄຟຟ້າໄດ້ພຽງພໍ,ກະຊວງພະລັງງານ ແລະ ບໍ່ແຮ່ຈະຕ້ອງສຸມໃສ່ສ້າງສາຍສົ່ງເຊື່ອມຕໍ່ຫາກັນໃນແຕ່ລະພາກໃນທົ່ວປະເທດໃຫ້ສຳເລັດ,ເພື່ອລໍ້ຖ້າຮອດທ້າຍປີ2016 ນີ້,ຊ່ຶງມີຫຼາຍກວ່າ 20 ໂຄງການກໍ່ສ້າງເຂື່ອນໄຟຟ້າຈະເລີ່ມຜະລິດກະແສໄຟຟ້າໃຫ້ພຽງພໍກັບຄວາມຕ້ອງການທັງລະດູຝົນ ແລະ ລະດູແລ້ງ ແລະ ໃນປີຜ່ານມາຂະແໜງພະລັງງານໄຟຟ້າໄດ້ຮຽກຮ້ອງໃຫ້ໂຮງຈັກໂຮງ,ໂຮງານປິດໄຟຟ້າເປັນບາງໄລຍະເພື່ອຕ້ອບສະໜອງຄວາມຕ້ອງການຊົມໃຊ້ໄຟຟ້າຂອງສັງຄົມແລ້ວກໍເຫັນວ່າໄດ້ຮັບຜົນດີບໍ່ມີບັນຫາຫຍັງເກີດຂື້ນ, ສະນັ້ນໃນປີນີ້ລາວເຮົາອາດມີບາງວັນ, ບາງໄລຍະທີ່ໄຟຟ້າບໍ່ພໍໃຊ້ກໍໃຫ້ປະຕິບັດການປະຢັດ ແລະນຳໃຊ້ໄຟຟ້າຢ່າງມີປະໂຫຍດບໍ່ຟຸມເຟືອຍ.
ຂ່າວຈາກ: ລາວພັດທະນາ