ທ່ານ ສຈ. ປອ. ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ ໄດ້ ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ດີ ຮັກ ອີວານ (D Hugh Evans) ເອກອັກຄະ ລາຊະທູດວິສາມັນຜູ້ມີອຳນາດເຕັມ ແຫ່ງ ຣາຊະອານາຈັກອັງ ກິດ ປະຈຳລາວ, ເມື່ອວັນທີ 28 ເມສາ ທີ່ກະຊວງດັ່ງກ່າວ.

ໃນໂອກາດນີ້, ທ່ານລັດ ຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ກ່າວສະແດງຄວາມຍິນດີຕ້ອນຮັບ ແລະ ຕີລາຄາ ສູງຕໍ່ທ່ານເອກອັກຄະລາຊະ ທູດອັງກິດ ທີ່ໄດ້ມາຢ້ຽມຢາມ ພົບປະໃນຄັ້ງນີ້ ຊຶ່ງການຢ້ຽມ ຢາມ ເພື່ອສົນທະນາການຮ່ວມ ມືຫຼາຍດ້ານ ໂດຍສະເພາະ ແມ່ນດ້ານຖະແຫຼງຂ່າວ, ວັດ ທະນະທຳ, ດ້ານທ່ອງທ່ຽວ ແລະ ດ້ານອື່ນໆ ທີ່ເປັນປະ ໂຫຍດໃຫ້ແກ່ທັງ ສອງຝ່າຍໃນ ອະນາຄົດ, ເພື່ອເປັນການປະ ກອບສ່ວນເສີມສ້າງສາຍພົວ ພັນຮ່ວມມືທັງສອງຝ່ານລະ ຫວ່າງລາວ-ອັງກິດ ທີ່ມີມາແຕ່ ດົນນານແລ້ວນັ້ນ ໃຫ້ນັບມື້ໄດ້ ຮັບການຂະຫຍາຍຕົວຍິ່ງຂຶ້ນ. ໂອກາດນີ້ ທ່ານລັດຖະມົນຕີ ຍັງໄດ້ອວຍພອນໃຫ້ທ່ານທູດອັງ ກິດ ຈົ່ງປະສົບຜົນສຳເລັດໃນການ ປະຕິບັດໜ້າທີ່ຢູ່ ສປປ ລາວ.

ທ່ານເອກອັກຄະລາຊະ ທູດໄດ້ກ່າວສະແດງຄວາມ ຂອບໃຈຕໍ່ການຕ້ອນຮັບອັນ ອົບອຸ່ນຂອງທ່ານລັດຖະມົນຕີ ໃນຄັ້ງນີ້ ແລະ ພ້ອມຢືນຢັນ ຈະສືບຕໍ່ເສີມຂະຫຍາຍສາຍ ພົວພັນມິດຕະພາບ ແລະ ການ ຮ່ວມມືທີ່ດີ ລາວ-ອັງກິດ, ອັງ ກິດ-ລາວ ທີ່ມີມາແລ້ວນັ້ນ ໃຫ້ເກີດດອກອອກຜົນຍິ່ງໆ ຂຶ້ນ.