ເປັນຫຍັງເຊັກສ໌ຂອງເຮົາຈິ່ງບໍ່ເຖິງຈຸດສຸດຍອດຈັກເທື່ອ ທ່ານເຄີຍຕັ້ງຄຳຖາມນີ້ຫຼືບໍ່? ເຊັກສ໌ ກັບ ຄວາມຮັກວັນນີ້ເຮົາມີຊ່ວງເວລາທີ່ເໝາະສົມກັບການເຮັດກິດຈະກຳເລື່ອງເທິງຕຽງມາຝາກທ່ານ ເພື່ອໃຫ້ທ່ານໄດ້ໃຊ້ພະລັງງານ ແລະ ເວລາຢ່າງຄຸ້ມຄ່າທີ່ສຸດ
1. ເມື່ອທ່ານຕ້ອງການຖືພາ
ເມື່ອເວລາທ່ານຕ້ອງການມີລູກ ຊ່ວງເວລາທີ່ເໝາະສົມທີ່ສຸດໃນການມີເຊັກສ໌ ຄື ວັນທີ 9 ຫາ 16 ນັບຈາກວັນທຳອິດທີ່ມີຮອບປະຈຳເດືອນ ແລະ ຊ່ວງເວລານີ້ທ່ານຈະຮູ້ສຶກຫື່ນກະຫາຍເລື່ອງແບບນັ້ນເປັນພິເສດ ຫາກຝ່າຍຍິງເປັນຄົນມີປະຈຳເດືອນມາປົກກະຕິ ຖືວ່າໂຊກດີຫຼາຍ ເພາະສາມາດຄຳນວນເວລາຖືພາໄດ້ຢ່າງຖືກຕ້ອງ ແຕ່ຖ້າບໍ່ ກໍ່ສາມາດປຶກສາແພດເພື່ອຂໍຄຳແນະນຳ
2. ຊ່ວງເວລາຫາກໍ່ຕື່ນນອນກ່ອນໄປວຽກ
ຫຼັງເຮັດວຽກມາໝົດມື້ ໃຜຈະມີແຮງເຫຼືອມາສູ້ຮົບເຮັດເສິກເທິງຕຽງໄດ້ເຕັມທີ່ ແຕ່ພໍຮອດຕອນເຊົ້າມາຜູ້ຊາຍກໍ່ກຽມພ້ອມຈະອອກເສິກ ຈັດໄປ ເບົາໆ ກ່ອນໄປວຽກ
3. ຊ່ວງເວລາທີ່ແມ່ຍິງປວດທ້ອງປະຈຳເດືອນ (ກ່ອນລົງປະຈຳເດືອນ)
ການເຖິງຈຸດສຸດຍອດເປັນວິທີທຳມະຊາດໃນການບັນເທົາອາການປວດປະຈຳເດືອນທີ່ເກີດຈາກການຫົດຕົວຂອງມົດລູກ ແລະ ເຮັດໃຫ້ຮ່າງກາຍຫຼັງຮໍໂມນທີ່ຊ່ວຍໃຫ້ຮູ້ສຶກເບົາສະບາຍ ແລະ ມີຄວາມສຸກ ຢັບຢັ້ງອາລົມໝົ່ນໝອງ ແລະ ຫງຸດງິດໃນຊ່ວງນີ້ຂອງແມ່ຍິງໄດ້ດີທີ່ສຸດ ແນະນຳໃຫ້ປະຕິບັດກິດຈະກຳໃນຊ່ວງນີ້
4. ຊ່ວງເວລາເຮັດວຽກໜັກ
ຫຼັງຈາກທຸ້ມເທເຮັດວຽກຕະຫຼອດໜຶ່ງອາທິດເຕັມໆຂອງການເຮັດວຽກແບບຕໍ່ເນື່ອງກັນ ການປົດປ່ອຍຄວາມຕຶງຄຽດດ້ວຍການມີເຊັກສ໌ ຈະສາມາດຜ່ອນຄາຍຄວາມເມື່ອຍລ້າໄດ້ ພ້ອມທັງມີກຳລັງແຮງໃນການເຮັດວຽກວັນຕໍ່ໄປ
5. ເມື່ອທ່ານຕ້ອງການປຸກຊີວິດຮັກໃຫ້ຕື່ນຂຶ້ນອີກ
ທ່ານຮູ້ບໍ່ວ່າ 70% ຂອງແມ່ຍິງບໍ່ເຖິງຈຸດສຸດຍອດ ແມ່ຍິງຫຼາຍຄົນນອນແຂງປານທ່ອນໄມ້ຍາມມີເຊັກສ໌ ອາດເປັນຍ້ອນຄວາມອາຍ ຫຼື… ຖ້າດ້ວຍເຫດນີ້ຝ່າຍຊາຍກໍ່ຕ້ອງເປັນຄົນຊ່ວຍໃນການປຸກອາລົມໃຫ້ຝ່າຍຍິງເກີດມີຄວາມຄຶກຄັກພ້ອມທີ່ຈະເຮັດເລື່ອງແບບນັ້ນກັບທ່ານ ແລະ ມີອີກເຄັດລັບໜຶ່ງທີ່ຈະຊ່ວຍໃຫ້ຝ່າຍຍິງເຖິງຈຸດສຸດຍອດ ແມ່ນໃຫ້ມີເພດສຳພັນກ່ອນວັນເປັນປະຈຳເດືອນໜຶ່ງວັນ ເພາະໃນຊ່ວງເວລານີ້ປາກມົດລູກ ແລະ ອະໄວຍະເພດຈະມີເລືອດໄຫລວຽງຫຼາຍກ່ວາປົກກະຕິ ເຮັດໃຫ້ປະສາດສຳພັດຈຸດນັ້ນໄວເປັນພິເສດ ແລະ ການເຖິງຈຸດສຸດຍອດກໍ່ບໍ່ຍາກອີກຕໍ່ໄປ