ລູກນ້ອຍຮ້ອງໄຫ້ມີຫຼາຍສາເຫດ ບາງຄັ້ງກໍ່ໄຫ້ ເພາະມີແນວກວນໃຈ ບາງຄັ້ງກໍ່ໄຫ້ຍ້ອນມີແນວຢາກໄດ້ ບາງຄັ້ງກໍ່ໃຫ້ຍ້ອນປ່ວຍຄີງບໍ່ສະບາຍຕົນຕົວ ເຊິ່ງນີ້ແມ່ນບັນຫາຂອງຜູ້ເປັນພໍ່ແມ່ ຫຼື ຄົນລ້ຽງເດັກບໍ່ຄວນເບິ່ງຂ້າມເດັດຂາດ ວັນນີ້ລາວໂພສຕ໌ເລີຍມີຂໍ່ສັງເກດອາການຂອງລູກວ່າກຳລັງໄຂ້ ຫຼື ບໍ່ໄຂ້ ມາໃຫ້ພວກທ່ານໄດ້ສຶກສາກັນເພື່ອເປັນຄວາມຮູ້ໃໝ່

1.ອາການຕໍ່ໄປນີ້…ລູກຍັງບໍ່ໄຂ້

– ເປັນຫວັດ/ມີໄຂ້ບໍ່ສູງ
– ມີຂີ້ມູກເລັກໜ້ອຍ
– ໄອແຫ້ງໆ
– ໄອມີຂີ້ກະເທີ່
– ຍັງກິນນົມ/ດູດນົມໄດ້
– ຍິ່ມແຍ້ມ ແຈ່ມໃສ ບໍ່ຊືມເສົ້າ
– ບໍ່ຮາກ
– ກິນອາຫານໄດ້ຕາມປົກກະຕິ

ຫາກລູກມີຂີ້ກະເທີ່ ແລ້ວອາການຄ່ອຍໆດີຂຶ້ນ ພາຍໃນ 2-3 ວັນ ກໍ່ວາງໃຈໄດ້ວ່າລູກເຮົາອາດເປັນພຽງຫວັດທຳມະດາ ບໍ່ໄດ້ມີໄຂ້ ຫຼື ພະຍາດຮ້າຍແຮງ

2. ອາການນີ້…ລູກເປັນໄຂ້ແລ້ວ

– ຂີ້ກະເທີ່ມີສີຂຽວເຫຼືອງ ຫຼື ມີສີຂາວຂຸ່ນ (ສະແດງວ່າຕິດເຊື້ອໄວຣັສ)
– ຫາຍໃຈໄວ
– ໜ້າເອິກບຸ໋ມເວລາຫາຍໃຈ
– ຊຶມເສົ້າ ບໍ່ຍິ້ມແຍ້ມແຈ່ມໃສ
– ຮ້ອງໄຫ້ ງໍແງ
– ບໍ່ຍອມກິນນົມ
– ຮາກ ເບື່ອອາຫານ

ທັງໝົດນີ້ສະແດງວ່າລູກມີອາການຮຸນແຮງຫຼາຍຂຶ້ນ ແລະ ຕ້ອງຟ້າວໄປຫາໝໍດ່ວນ ຖ້າປ່ອຍໄວ້ດົນລູກອາດເກີດການຕິດເຊື້ອທາງເດີນຫາຍໃຈ ອາດຮຸນແຮງເຖິງ ມີອາການຫຼອດລົມອັກເສບ, ຫອບຫືດ, ຫຼື ອາດຕິດເຊື້ອທາງປອດ ແລະ ຕັບ ຈົນເກີດເປັນປອດອັກເສບ ແລະ ຕັບອັກເສບໄດ້ໃນທີ່ສຸດ.