ມາດາມ ຫງວຽນ ທີ ເຟືອງ ເຖົາ (Nguyễn Thị Phương Thảo) ອາຍຸ 45 ປີ ກໍາລັງກາຍເປັນມະຫາເສດຖີແມ່ຍິງ ພັນລ້ານຄົນທຳອິດຂອງຫວຽດນາມ ແລະ ອາດຈະເປັນຄົນທຳອິດຂອງອາຊຽນທີ່ສ້າງທຸລະກິດຈົນມາເປັນມະຫາເສດຖີດ້ວຍມັນສະໝອງ ແລະ ສອງມືຂອງຕົນເອງ.
ລາວເລີ່ມເຮັດວຽກໄດ້ເງິນລ້ານຕອນອາຍຸ 21 ປີ ໂດຍການຂາຍແຟັກ ແລະ ນ້ຳຍາງພາລາ ແລະ ລາວໃຊ້ເວລາອີກ 25 ປີຕໍ່ມາເຂົ້າສູ່ທຸລະກິດສາຍການບິນ ແລະ ອະສັງຫາລິມະຊັບ. ປັດຈຸບັນເປັນເຈົ້າຂອງຫຸ້ນ 95% ຂອງສາຍການບິນຫວຽດເຈັສ໌ ແລະ ມີການປະເມີນວ່າສາຍການບິນຫວຽດເຈັສ໌ ຈະເຂົ້າຕະຫຼາດຫຼັກຊັບ ເຊິ່ງມີຍອດຊັບສິນປະມານ 1000 ລ້ານໂດລາສະຫະລັດ. ນອກຈາກຫຸ້ນໃຫຍ່ໃນຫວຽດເຈສ໌ ແລ້ວ ລາວຍັງເປັນເຈົ້າຂອງ ໂຄງການພັດທະນາອະສັງຫາລິມະຊັບ ເມືອງມັງກອນ (Dragon City) ໃນນະຄອນຫຼວງໂຮ່ຈີິມິນ ເຊິ່ງມີເນື້ອທີ່ລວມ 65 ເຮັກຕາ ເຊິ່ງລວມຊັບສິນແລ້ວຈະເກືອບຮອດ 1000 ລ້ານໂດລາສະຫະລັດ ກາຍເປັນມະຫາເສດຖີແມ່ຍິງຄົນທຳອິດຂອງຫວຽດນາມ ທີ່ໄດ້ເຂົ້າໃນກຸ່ມມະຫາເສດຖີພັນລ້ານໂດລາສະຫະລັດຂອງດັດຊະນີມະຫາເສດຖີ ຂອງສຳນັກຂ່າວ (Bloomberg Billionaires Index) ຊັບສິນທີ່ສ້າງຄວາມຮັ່ງມີໃຫ້ລາວຢ່າງໄວວາແມ່ນ ສາຍການບິນຫວຽດເຈັສ໌ ທີ່ເປັນສາຍການບິນເອກະຊົນທີ່ປະສົບຄວາມສຳເລັດ ແລະ ຂະຫຍາຍຕົວຢ່າງໄວວາໃຊ້ເວລາພຽງບໍ່ຫຼາຍປີທີ່ໄດ້ເປີດກິດຈະການ ສາມາດຄອງຕະຫຼາດການບິນໃນປະເທດໄດ້ຫຼາຍກວ່າ 30% ຂະນະນີ້, ຫວຽດເຈສ໌ ມີຖ້ຽວບິນໄປ 47 ສະໜາມບິນໃນປະເທດ ແລະ ຕ່າງປະເທດລວມເຖິງ ນະຄອນຫຼວງໂຊລ ສເກົາຫຼີ, ກຸງເທບ ແລະ ສິງກະໂປ ໂດຍຄາດວ່າພາຍໃນປີນີ້ ຫວຽດເຈສ໌ ສາມາດເອົາຊະນະຫວຽດນາມແອຣໄລ໌ ສາຍການບິນແຫ່ງຊາດທີ່ກໍ່ຕັ້ງມາເປັນເວລາດົນນານໄດ້ສຳເລັດ. ຊັບສິນອີກສ່ວນໜຶ່ງຄື ໂຄງການເມືອງມັງກອນ ທີ່ລາວໄດ້ຊື້ດິນໄວ້ເມືອ 10 ປີກ່ອນເປັນເນື້ອທີ່ກວ້າງຂວາງທີ່ຢູ່ເຂດເສດຖະກິດຂອງໂຮ່ຈິມິນ Complex Dragon City ເຊິ່ງມີມູນຄ່າການລົງທຶນປະມານ 1000 ລ້ານໂດລາສະຫະລັດ ຖ້າສ້າງສຳເລັດດິນຕອນນີ້ຈະມີມູນຄ່າເພີ່ມມະຫາສານ. ນອກນີ້, ລາວຍັງມີຫຸ້ນໃນຣີສອດອີກຫຼາຍແຫ່ງ ແລະ ມີຫຸ້ນ 20% ໃນທະນາຄານເອກະຊົນ HD Bank ມີຕໍາແໜ່ງເປັນຮອງປະທານ.
ມາດາມ ເຫງີຍນ ທີ ເຟືອງ ເຖົາ ໄດ້ກ່າວວ່າ “ຂ້ອຍບໍ່ເຄີຍນັບວ່າຕົນເອງມີຊັບສິນເງິນຄໍາຫຼາຍເທົ່າໃດ ຄິດແຕ່ວ່າຈະເຮັດແນວໃດໃຫ້ບໍລິສັດເຕີບໃຫຍ່ຂະຫຍາຍຕົວຂຶ້ນ ແລະ ຈະເຮັດແນວໃດໃຫ້ພະນັກງານມີລາຍໄດ້ຫຼາຍ ແລະ ຈະເຮັດໃຫ້ສາຍການບິນຂຶ້ນເປັນຜູ້ນຳໃນຕະຫຼາດໄດ້.
ລາວເລີ່ມເຮັດທຸລະກິດຕັ້ງແຕ່ປີ 1988 ໃນຂະນະທີ່ຍັງເປັນນັກສຶກສາປີ 2 ຢູ່ໃນມະຫາວິທະຍາໄລທີ່ນະຄອນຫຼວງມົດສະກູ ໃນຂະແໜງວິຊາການເງິນ ແລະ ເສດຖະສາດ ເລີ່ມເຮັດຄ້າຂາຍດ້ວຍກ້ອນເງິນພຽງເລັກໜ້ອຍເພື່ອຈັດຊື້ສິນຄ້າ,ເຄື່ອງນຸ່ງ, ເຄື່ອງໃຊ້ໃນສຳນັກງານ ແລະ ສິນຄ້າອຸປະໂພກບໍລິໂພກຈາກຍີ່ປຸ່ນ, ຮົງກົງ ແລະ ສເກົາຫຼີ ໄປຂາຍໃນຣັດເຊຍ.
Bloomberg ລະບຸວ່າ: ສາຍການບິນຫວຽດເຈສ໌ ບໍ່ວ່າຈະເຮັດຫຍັງກໍຕາມ ກຳລັງເອົາຊະນະສາຍການບິນແຫ່ງຊາດຫວຽດນາມ ແລະ ໄອອາຕ້າ ຄາດວ່າ ຈະເປັນສາຍການບິນ 1 ໃນ 10 ຂອງໂລກທີ່ມີອັດຕາຂະຫຍາຍຕົວໄວທີ່ສຸດໃນໄລຍະ 20 ປີຕໍ່ໜ້າ.
————-
Cr. Target Magazine