ສຳນັກຂ່າວຕ່າງປະເທດ ລາຍງານໃນວັນທີ 27 ເມສາຜ່ານມານີ້ວ່າ ທ່ານ ມິຄາອິນ ບອກດານອບ ລັດຖະມົນຕີຊ່ວຍວ່າການ ກະຊວງການຕ່າງປະເທດຣັດເຊຍ ໄດ້ອອກມາເປີດເຜີຍວ່າ ທູດພິເສດຂອງອົງການສະຫະປະຊາຊາດ ໄດ້ແຈ້ງມະຕິຂອງກອງປະຊຸມລັບ ຄະນະມົນຕີຄວາມໝັ້ນຄົງ ແຫ່ງ ສະຫະປະຊາຊາດ ກ່ຽວກັບບັນຫາຊີຣີ ໂດຍກຳນົດໃຫ້ມີການຈັດການເຈລະຈາສັນຕິພາບຮອບໃໝ່ຂຶ້ນ ໃນວັນທີ 10 ພຶດສະພາ 2016 ນີ້ ທີ່ນະຄອນເຊີແນວ ປະເທດສະວິດ.
ທັງນີ້ ເນື່ອງຈາກການເຈລະຈາສັນຕິພາບຊີຣີ ທີ່ນະຄອນເຊີແນວ ໃນອາທິດທີ່ຜ່ານມາ ໄດ້ຫລົ້ມເຫລວລົງ ເມື່ອຝ່າຍຕໍ່ຕ້ານລັດຖະບານຊີຣີ ທີ່ມີລັດຖະບານຂອງຊາດຕາເວັນຕົກ ເປັນຜູ້ໃຫ້ການສະໜັບສະໜູນ ໄດ້ພາກັນຖອນໂຕອອກຈາກການເຈລະຈາ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!