ສຽງສ່ວນຫຼາຍໃນໂລກ Social ຕ້ອງມີຄຳເວົ້າທີ່ວ່າ ຫລິງ ຫລິງ ສາວປະເພດສອງຂອງລາວ ງາມ ທຽບເທົ່າກັບ ປອຍ ຕີຣຊາພາ ຂອງໄທ ດ້ວຍຄວາມໂດດເດັ່ນທາງດ້ານຮູບຮ່າງ, ໜ້າຕາ ທີ່ບອກວ່າສົມສ່ວນເຫຼືອເກີນ
ສາວຄົນນີ້ຖືໄດ້ວ່າເປັນສາວປະເເພດສອງຂອງລາວຄົນທຳອິດທີ່ໄປໂດ່ງດັງໄກເຖິງຕ່າງແດນ ນາງມີດີກຣີເປັນເຖິງຮອງອັນດັບສອງຂອງເວທີ ມິສ ອິນເຕີເນເຊັ່ນແນລຄລິນ 2014 ແລະ ຄວາມງາມຂອງນາງຖືວ່າບໍ່ເປັນຮອງໃຜ ສ່ວນການແຕ່ງຕົວຂອງນາງກໍ່ບໍ່ທຳມະດາເພາະແອບແຝງໄປດ້ວຍຄວາມເຊັກຊີເບົາໆແຕ່ມີລະດັບ ຈົນຜູ້ຍິງແທ້ໆຕ້ອງຍອມນາງ
ເຊິ່ງຜົນງານລ່າສຸດຂອງນາງແມ່ນການໄດ້ເຂົ້າໄປເປັນໜຶ່ງໃນ 10 ນັກສະແດງ “ສົງຄາມນາງງາມ ຊີຊັ່ນ 2” ເຊິ່ງຈະອອກສາຍທາງຊ່ອງ ONE 31 ເຊິ່ງຕົວລະຄອນທີ່ໄດ້ບົດ ຫລິງຫລິງ ຮັບບົດ ເປັນ ມິວມິວ ກະເທີຍສາວໄຮໂຊ ມາປະກວດຫຼິ້ນໆ ຈັ່ງໃດກໍ່ຢ່າລືມຕິດຕາມຜົນງານຂອງນາງໄດ້ໃນໄວໆນີ້
ກ່ວານາງຈະມາເປັນແມ່ຍິງເຕັມຕົວໄດ້ຂະໜາດນີ້ ຫລິງ ຫລິງ ຕ້ອງໄດ້ຜ່ານການຍອມຮັບຈາກພໍ່ຢູ່ເປັນເວລາດົນພໍສົມຄວນ ແຕ່ສຸດທ້າຍພໍ່ກໍ່ຍອມໃຈອ່ອນ ແລະ ສອນໃຫ້ຮູ້ວ່າ “ ຖ້າຈະເປັນແມ່ຍິງກໍ່ຕ້ອງໃຫ້ງາມໃຫ້ຄືແມ່ຍິງ ຢ່າເຮັດເລື່ອງໃຫ້ຂາຍໜ້າ ” ຫຼັງຈາກນັ້ນນາງກໍ່ໄດ້ເຂົ້າມາສັນຍະກຳໜ້າເອິກ ຕໍ່ດ້ວຍການຜ່າຕັດແປງເພດ ຕາມດ້ວຍການປັບປຸງຮູບຮ່າງໜ້າຕາ ເຊັ່ນ: ເຫຼົາໂນກແກ້ມ, ຊີດຊີລິໂຄນທີ່ກົ້ນ, ບອກກັບການດູແລຕົວເອງ ອອກກຳລັງເປັນປະຈຳເລີຍເຮັດໃຫ້ນາງງາມສົມສ່ວນຂະໜາດນີ້
