Homeຂ່າວຕ່າງປະເທດຍີ່ປຸ່ນຜະລິດເຂົ້າລາຄາຖືກເພື່ອເພີ່ມທະວີສົ່ງອອກ

ຍີ່ປຸ່ນຜະລິດເຂົ້າລາຄາຖືກເພື່ອເພີ່ມທະວີສົ່ງອອກ

Published on

ເວັບໄຊຕ່າງປະເທດ ລາຍງານວ່າ: ຊາວນາຍີ່ປຸ່ນ ພວມມຸ່ງໄປສູ່ການຜະລິດເຂົ້າ ດ້ວຍລາຄາຖືກກວ່າ ທຽບກັບປັດຈຸບັນ ເພື່ອເພີ່ມທະວີ ການສົ່ງອອກ, ຫຼັງຈາກທີ່ຍີ່ປຸ່ນເຊັນ ສັນຍາຂໍ້ຕົກລົງຫຸ້ນສ່ວນ ຍຸດທະສາດອາຊີ-ປາຊີຟິກ (TPP).

ບັນດາຜູ້ຊ່ຽວຊານດ້ານ ກະສິກຳໃຫ້ຮູ້ວ່າ: ບັນດາແນວ ພັນເຂົ້າຂອງຍີ່ປຸ່ນ ໄດ້ຮັບຮູ້ວ່າ ມີຄຸນນະພາບດີ, ແຕ່ການ ເຄື່ອນໄຫວສົ່ງອອກເຂົ້າສານ ຂອງປະເທດນີ້ຍັງມີລາຄາສູງຢູ່.

ສະຫະພັນສະຫະກອນ ກະສິກຳຍີ່ປຸ່ນ (NFACA) ໄດ້ບັນລຸເປົ້າໝາຍຍົກສູງຄວາມສາມາດໃນການຍາດແຍ່ງກັບ ບັນດາຜູ້ຜະລິດເຂົ້າຂອງຕ່າງ ປະເທດ ໃນຕະຫຼາດສາກົນ ເພື່ອ ຮັບປະກັນການຈະເລີນເຕີບ ໂຕຂອງການສົ່ງອອກເຂົ້າ.

NFACA ຂຶ້ນແຜນມຸ້ງໄປ ສູ່ການແນະນຳພາກສ່ວນກ່ຽວຂ້ອງ ການຜະລິດຂອງຍີ່ປຸ່ນ ຈຳນວນໜຶ່ງສຸມໃສ່ປູກເຂົ້າລາຄາຖືກ ໂດຍຕັດຫຼຸຸດຄ່າໃຊ້ຈ່າຍ ແລະ ເພາະປູກແນວພັນເຂົ້າທີ່ ມີສະມັດຖະພາບສູງກວ່າເກົ່າ.

NFACA ວາງເປົ້າໝາຍ ເພີ່ມທະວີອີກ 6 ເທົ່າ ຂອງປະລິມານ ການສົ່ງອອກເຂົ້າໃນແຕ່ລະ ປີຂຶ້ນ 10.000 ໂຕນ ໃນຮອບ 3 ປີຈະມາເຖິງ, ເພື່ອ ຍົກສູງຄວາມສາມາດໃນການ ຍາດແຍ່ງໃຫ້ຊາວນາຍີ່ປຸ່ນເມື່ອເຂົ້າຮ່ວມ TPP.

ຍີ່ປຸ່ນ ແລະ ອາເມຣິກາ ພ້ອມທັງ 10 ປະເທດອື່ນອີກ ໄດ້ເຊັນສັນຍາ TPP ແລະ ສ້າງ ຕະຫຼາດຂະໜາດໃຫຍ່ດ້ວຍ ພົນລະເມືອງ 800 ລ້ານຄົນ, ກວມ 40% ຂອງ GDP ໂລກ ແລະ 25 % ຂອງການຄ້າທັງ ໝົດໃນທົ່ວໂລກ.

 ຂ່າວຈາກ: ສຳນັກຂ່າວເອບີຊີ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...