ສຳນັກຂ່າວຕ່າງປະເທດ ລາຍງານໃນວັນທີ 27 ເມສານີ້ວ່າ ຊາວຝຣັ່ງຢູ່ເມືອງກຳແປ ທາງພາກຕາເວັນຕົກຂອງປະເທດ ໄດ້ພາກັນແປກປະຫລາດໃຈ ເມື່ອແມ່ນ້ຳລໍເດັດ ທີ່ໄຫລພາດຜ່ານໃຈກາງເມືອງ ໄດ້ປ່ຽນສະພາບກາຍເປັນສີຂຽວອ່ອນ ເຮັດໃຫ້ສ້າງຄວາມວິຕົກກັງວົນ ກ່ຽວກັບຜົນກະທົບຕໍ່ສິ່ງແວດລ້ອມ.

ພາຍຫລັງບໍ່ດົນ ໜ່ວຍງານສິ່ງແວດລ້ອມຂອງຝຣັ່ງ ໄດ້ອອກມາຖະແຫລງວ່າ ປະກົດການນ້ຳປ່ຽນສີຢູ່ແມ່ນ້ຳລໍເດັດ ແມ່ນເປັນໜຶ່ງໃນກິດຈະກຳ ໂຄງການປຸກລະດົມບັນຫາສິ່ງແວດລ້ອມ ຂອງໜ່ວຍງານພວກຕົນ ໂດຍເຈົ້າໜ້າທີ່ສິ່ງແວດລ້ອມຂອງຝຣັ່ງ ໄດ້ທຳການເຈືອຈາງສີຍ້ອມລົງໃນແມ່ນ້ຳດັ່ງກ່າວ ເພື່ອເຮັດໃຫ້ແມ່ນ້ຳ ກາຍເປັນສີຂຽວອ່ອນ ແນໃສ່ເຮັດໃຫ້ປະຊາຊົນຊາວຝຣັ່ງ ເກີດຄວາມສົນໃຈ ແລະ  ໃຫ້ຄວາມສຳຄັນ ຕໍ່ບັນຫາຄຸນນະພາບແຫລ່ງນ້ຳ ທີ່ກຳລັງກາຍເປັນບັນຫາໃຫຍ່ໃນທົ່ວໂລກ.

ທັງນີ້ ໜ່ວຍງານດັ່ງກ່າວໄດ້ຢືນຢັນວ່າ ການຍ້ອມສີຂຽວອ່ອນ ໃສ່ແມ່ນ້ຳລໍເດັດນີ້ ຈະບໍ່ກໍ່ໃຫ້ເກີດມົນລະພິດແຕ່ຢ່າງໃດ ແລະ ຈະບໍ່ສົ່ງຜົນອັນຕະລາຍ ຕໍ່ກັບສັດນ້ຳ ແລະ ລະບົບນິເວດຕ່າງໆ ຊຶ່ງຄາດວ່າອີກພາຍໃນ 1-2 ມື້ ສີຂອງແມ່ນ້ຳ ກໍຈະກັບຄືນມາສູ່ສະພາວະປົກກະຕິ.

 
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!