spot_img
Homeສຸຂະພາບ ແລະ ສີ່ງແວດລ້ອມກະຊວງສາທາລະນະສຸກ ຫາລືວາງແຜນສັກຢາ ປ້ອງກັນພະຍາດໂປລີໂອ ຢູ່ 4 ແຂວງ

ກະຊວງສາທາລະນະສຸກ ຫາລືວາງແຜນສັກຢາ ປ້ອງກັນພະຍາດໂປລີໂອ ຢູ່ 4 ແຂວງ

Published on

ຂປລ. ​ໃນ​ທ້າຍ​ອາທິດ​ຜ່ານ​ມາ ທີ່​ແຂວງ​ຄຳ​ມ່ວນ,  ຫ້ອງການສັກຢາກັນພະຍາດ ຂອງກະຊວງສາທາລະນະສຸກ ໄດ້ຈັດກອງປະຊຸມປຶກສາຫາລື ວາງແຜນການສັກຢາປ້ອງກັນພະຍາດໂປລີໂອ ຢູ່ພາຍໃນ 4 ແຂວງ ປະກອບມີ ແຂວງຄຳມ່ວນ, ສະຫວັນນະເຂດ, ບໍລິຄຳໄຊ ແລະ ແຂວງຊຽງຂວາງ ​ໂດຍ​ການ​ເຂົ້າ​ຮ່ວມ​ ຂອງ ທ່ານ ດຣ.ອານົນ ເຊືອດວົງສາ ຮອງຫົວໜ້າຫ້ອງການສັກຢາກັນພະຍາດແຫ່ງຊາດ, ມີບັນດາຫົວໜ້າພະແນກສາທາລະນະສຸກ 4 ແຂວງ, ພ້ອມດ້ວຍ ພະນັກງານວິຊາການ 41 ເມືອງ ​ເຂົ້າ​ຮ່ວມ.

ການດຳເນີນກອງປະຊຸມ ວຽກງານສັກຍາຄັ້ງນີ້, ບັນດາຜູ້ຊ່ຽວຊານ ແລະ ນັກວິຊາການ ໄດ້ຮ່ວມກັນປຶກສາ ຫາລືລົງເລິກ ກ່ຽວກັບການສັັກຢາ ໃນການກະກຽມໃຫ້ແກ່ການສັກຢາ ໃຫ້ສຳເລັດຕາມໄລຍະເວລາກຳນົດໄວ້.

ກອງປະຊຸມ ​ໄດ້ມີການຊີ້ແຈງ ການປ່ຽນແທນສາຍພັນຢາປ້ອງກັນໂປລີໂອ ຈາກ 3 ສາຍພັນ ມາເປັນ 2 ສາຍພັນ ໂດຍປະຕິບັດຕາມພັນທະຂອງລາວ ທີ່ມີສ່ວນຮ່ວມໃນທົ່ວໂລກ ຕາມການແຈ້ງຂອງກົມອານາໄມໂລກ ເຊິ່ງມີ 146 ປະເທດຮ່ວມກັນ ລວມທັງປະເທດລາວ ທີ່ຈະຕ້ອງໄດ້ຢຸດເຊົານຳໃຊ້ວັກ​ແຊງ ປ້ອງກັນໂປລີໂອສາຍພັນທີ 3 ໃນວັນທີ 29 ພຶດສະພາ 2016 ພ້ອມກັນຢູ່ລາວ ຈະຢຸດສັກຢາສາຍພັນທີ 3 ແລະ ຄາດວ່າ ໃນປີ 2020 ແມ່ນຈະຢຸດໃຊ້ວັກ​ແຊງໂປລີໂອຊະນິດຢອດ ຈະໃຊ້ແຕ່ຊະນິດສັກ ເຫດຜົນຍ້ອນເຊື້ອພະຍາດ ຫລື ເຊື້ອວິລຸດຂອງພະຍາດເຫລົ່ານີ້ ໃກ້ຈະໝົດອອກຈາກໂລກເຮົາແລ້ວ. ສະນັ້ນ, ຈຶ່ງບໍ່ໃຫ້ມີວັກ​ແຊງທີ່ກິນທາງປາກ ຈະມີແຕ່ວັກຊິນຊະນິດສັກ ເທົ່ານັ້ນ.

 

ແຫລ່ງຂ່າວ:

ຂປລ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...