Homeວິທະຍາສາດ-ວິທະຍາການ​ພັດທະນາ​ຫຸ່ນ​ຍົນ​ແບບ​ໃໝ່ ເພື່ອ​ນຳ​ໃຊ້​ໃນ​ການກຳຈັດ​ເລືອດ ທີ່​ກ້າມ​ເປັນ​ກ້ອນ​ຢູ່​ໃນ​ສະ​ໝອງ

​ພັດທະນາ​ຫຸ່ນ​ຍົນ​ແບບ​ໃໝ່ ເພື່ອ​ນຳ​ໃຊ້​ໃນ​ການກຳຈັດ​ເລືອດ ທີ່​ກ້າມ​ເປັນ​ກ້ອນ​ຢູ່​ໃນ​ສະ​ໝອງ

Published on

ບັນດາ​ນັກ​ຄົ້ນຄວ້າໃນສະຫະລັດ ກຳລັງ​ພັດທະນາ​ຫຸ່ນ​ຍົນ​ແບບ​ໃໝ່ ທີ່ອອກ​ແບບ​ມາ ເພື່ອ​ນຳ​ໃຊ້​ໃນ​ການກຳຈັດ​ເລືອດ
ທີ່​ກ້າມ​ເປັນ​ກ້ອນ​ຢູ່​ໃນ​ສະ​ໝອງ. ​ຫຸ່ນ​ຍົນ​ທີ່​ມີ​ເຂັມ​ຕິດ​ຢູ່​ປາຍ​ທີ່​ວ່າ​ນີ້​ ຍັງ​ບໍ່​ທັນ​ໄດ້​ຖື​ກນຳ​ໃຊ້​ໃນ​ຫ້ອງ​ຜ່າຕັດ​ເທື່ອ ​
ແຕ່ໃນ​ການຜ່າຕັດສະໝອງຈຳລອງນັ້ນ ມັນສາມາດ ​ດູດ​ເອົາເລືອດ​ທີ່​ກ້າມ​ຢູ່​ໃນສະ​ໝອງ ອອກ​ໄດ້ຮອດ 90 ​ເປີ​ເຊັນ.

ບັນດາ​ນັກ​ຄົ້ນຄວ້າ​ທີ່​ມະຫາວິທະຍາ​ໄລ Vanderbilt ​ໃຊ້​ວຸ້ນ​ສີ​ແດງ​ແລະ​ສີ​ເຫລືອງເຮັດ​ສະໝອງ​ຈຳລອງ
​ເພື່ອ​ທົດ​ລອງ​ໃຊ້​ຫຸ່ນ​ຍົນ​ດັ່ງ​ກ່າວ ຊຶ່ງພາກສ່ວນ​ສີ​ແດງ ​ແມ່ນ​ໝາຍ​ເຖິງ​ບ່ອນທີ່​ເລືອດກ້າມເປັນ​ກ້ອນ. ​
ຫຸ່ນ​ຍົນດັ່ງກ່າວ ມີ​ເຂັມ​ສຽບ​ຢູ່​ປາຍ​ຂອງ​ມັນທີ່​ສາມາດຖອດ​ອອກ​ໄດ້​ແລະ​ແຫຍ່​ໄປ​ຍັງ​ຈຸດ​ໃດ​ກໍ​ໄດ້ ​ແລະ​ອອກ​ແບບ​ມາ​ເພື່ອໃຫ້​
ເຂົ້າ​ໄປ​ຮອດຈຸດ​ທີ່​ເລືອດ​ກ້າມເປັນ​ກ້ອນຢູ່​ໃນ​ສະໝອງ ຊຶ່ງ​ມື້​ໃດ​ມື້​ນຶ່ງ ພວກ​ນາຍ​ແພດ​ຜ່າຕັດ​ອາດ​ຈະ​ນຳ​ໃຊ້
​ເພື່ອ​ດູດ​ເອົາ​ເລືອດທີ່​ກ້າມ​ນັ້ນ​ອອກ​ມາ ໂດຍ​ບໍ່​ເຮັດ​ໃຫ້ເນື້ອ​ເຍື່ອຂອງ​ສະໝອງ ທີ່ຢູ່ບໍລິ​ເວນ​ອ້ອມ​ຂ້າງ​ນັ້ນ​ເສຍ​ຫາຍ.

ພວກ​ນັກ​ຄົ້ນຄວ້າ ​ກຳລັງ​ພະຍາຍາມ​ອອກ​ແບບ​ເຄື່ອງມື​ຕ່າງໆ​ ທີ່​ສາມາດເອົາ​ໄປ​ຕິດ​ກັບ​ຫລອດ​ເຫຼັກ​ຂອງ​ຫຸ່ນ​ຍົນ​ດັ່ງກ່າວ
​ເຊັ່ນ​ເຄື່ອງມື​ນ້ອຍໆ ທີ່​ສາມາດ​ທັບ​ກ້ອນ​ເລືອດໃຫ້​ແຕກ​ໄດ້ ກ່ອນ​ຈະດູດ​ເລືອດ​ອອກ​ນັ້ນ. ຫຸ່ນຍົນ​ຕິດເຂັມ​ດັ່ງກ່າວ​ນີ້
ຈະຕ້ອງ​ໄດ້​ຜ່ານການ​ທົດ​ລອງຕື່ມ​ອີກ​ຫຼາຍ​ຄັ້ງ ​ແລະ​ຜ່ານຂັ້ນ​ຕອນການ​ອະນຸມັດ​ເສຍ​ກ່ອນ
ກ່ອນ​ຈະ​ສາມາດ​ເອົາໄປ​ໃຊ້​ໃນ​ຫ້ອງ​ຜ່າຕັດ​ໄດ້ ແລະບັນດາ​ນັກ​ຄົ້ນຄວ້າຫວັງ​ວ່າ ​ເວລາ​ໃດ​ເຄື່ອງມື​ນີ້​ຫາກ​ພ້ອມສຳລັບ​ໃຊ້​ໄດ້​ແລ້ວ
ພວກ​ນາຍ​ແພດ​ຜ່າຕັດກໍຈະ​ສາມາດ​ຊ່ອຍ​ຊີວິດ​ຜູ້​ຄົນ​ໄດ້​ຫຼາຍ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...