ຄະນະກຳມະການພັດທະນາ ແລະ ປະຕິຮູບແຫ່ງຊາດຈີນ (NDRC) ປະກາດໃນມື້ນີ້ວ່າ ຈີນຈະປັບຂຶ້ນລາຄາຂາຍຍ່ອຍນໍ້າມັນແອັດຊັງ ແລະ ກາຊວນ ໂດຍມີຜົນບັງຄັບໃຊ້ຕັ້ງແຕ່ມື້ອື່ນ ຊຶ່ງເປັນການປັບຂຶ້ນລາຄານໍ້າມັນເປັນຄັ້ງທຳອິດຂອງປີນີ້.
ທັງນີ້ ຈີນຈະປັບຂຶ້ນລາຄານໍ້າມັນແອັດຊັງ ແລະ ກາຊວນ 165 ຢວນ ແລະ 160 ຢວນຕໍ່ໂຕນຕາມລຳດັບ.
ຄັ້ງນີ້ນັບເປັນການປັບຂຶ້ນລາຄານໍ້າມັນຄັ້ງທຳອິດ ນັບຕັ້ງແຕ່ຈີນປັບໂຄງສ້າງລາຄາໃນເດືອນມີນາ ໂດຍພາຍໃຕ້ໂຄ້ງສ້າງປະຈຸບັນ ຈີນຈະປັບລາຄານໍ້າມັນໃນກໍລະນີທີ່ມີການປ່ຽນແປງລາຄານໍ້າມັນດິບໃນຕະຫຼາດໂລກຊຶ່ງເຮັດໃຫ້ລາຄານໍ້າມັນແອັດຊັງ ແລະ ກາຊວນຂອງຈີນປ່ຽນແປງຫຼາຍກວ່າ 50 ຢວນເປັນເວລາ 10 ວັນ ທຳການຍົກເວັ້ນໃນກໍລະນີທີ່ລາຄານໍ້າມັນດິບໂລກຕົກຕໍ່າກວ່າ 40 ໂດລາ ຫຼື ພຸ່ງຂຶ້ນສູງກວ່າ 130 ໂດລາຕໍ່ບາເຣວ.
NDRC ເປີດເຜີຍວ່າ ທາງຄະນະກຳມະການຈະນັບຕາຜົນກະທົບຂອງໂຄງສ້າງລາຄາໃໝ່ແບບໃກ້ຊິດ ແລະ ຈະທຳການປັບປຸງເພື່ອຮອງຮັບການປ່ຽນແປງໃນຕະຫຼາດໂລກ.