ສຳນັກຂ່າວຕ່າງປະເທດ ລາຍງານໃນວັນທີ 25 ເມສາຜ່ານມານີ້ວ່າ ມື້ວານນີ້ (24 ເມສາ) ສະຖານີໂທລະພາບແຫ່ງຊາດຈີນ ຫລື CCTV ໄດ້ເຜີຍແຜ່ພາບ ປາອໍຟິສ (Oarfish) ຫລື ຫລາຍຄົນເອີ້ນວ່າ ປາພະຍານາກ ຄວາມຍາວທັງໝົດ 5 ແມັດ ທີ່ຊາວປະມົງຈີນ ຢູ່ເກາະໄຕ້ຫວັນ ພົບນອນຕາຍຄ້າງຊາຍຫາດ ແລະ ເນື່ອງຈາກປາພະຍານາກ ເປັນປາກະດູກແຂງ (bony fish) ທີ່ມີຂະໜາດໃຫຍ່ທີ່ສຸດ ຊຶ່ງຈະພົບໄດ້ຢູ່ໃນທະເລເລິກ ປະມານ 1,000 ແມັດເທົ່ານັ້ນ ໂດຍຄາດວ່າປາໂຕດັ່ງກ່າວນີ້ ອາດລອຍຂຶ້ນມາຄ້າງຊາຍຫາດ ຍ້ອນເຫດແຜ່ນດິນໄຫວຢູ່ໄຕ້ຫວັນ 2 ຄັ້ງຊ້ອນ ໃນອາທິດທີ່ຜ່ານມາ.
ແນວໃດກໍຕາມ ປາໂຕດັ່ງກ່າວ ໄດ້ຖືກຊາວປະມົງນຳມາຄົວ ແລະ ເຮັດເປັນອາຫານຮັບປະທານ ສຳລັບຄອບຄົວ ເປັນທີ່ຮຽບຮ້ອຍແລ້ວ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!