spot_img
Homeຂ່າວການພັດທະນາໄອຍະການມີຫລາຍຈຸດຕ້ອງແກ້ໄຂສູ່ຄຸນນະພາບໃໝ່

ໄອຍະການມີຫລາຍຈຸດຕ້ອງແກ້ໄຂສູ່ຄຸນນະພາບໃໝ່

Published on

ທ່ານຫົວໜ້າອົງການໄອຍະການປະຊາຊົນສູງສຸດ ຄໍາສານ ສຸວົງ ໃຫ້ຮູ້ຢູ່ກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ VIII ທີ່ສໍາເລັດລົງເມື່ອບໍ່ດົນນີວ່າ:ຂະແໜງໄອຍະການຍັງຈະຕ້ອງໄດ້ເອົາໃຈໃສ່ແກ້ໄຂບັນຫາຄົງຄ້າງຫລາຍຈຸດເພື່ອກ້າວໄປສູ່ຄຸນນະພາບໃໝ່ທີ່ວ່າ:“ຮອບດ້ານ,ຄົບຖ້ວນ ແລະ ພາວະວິໃສ”ໂດຍສະເພາະແມ່ນການຍົກສູງຄຸນທາດການເມືອງ,ຄຸນສົມບັດສີນທໍາປະຕິວັດ,ຈັນຍາບັນ ແລະ ຈັນຍາທໍາຂອງສະມາຊິກພັກ,ພະນັກງານຈໍານວນໜຶ່ງທີ່ບໍ່ທັນໜັກແຫນ້ນ,ປະຕິບັດໜ້າທີ່ວຽກງານບໍ່ມີຄວາມຫ້າວຫັນ,ແກ້ໄຂຄະດີບໍ່ທັນຕາມກໍານົດ,ເລັ່ງສະກັດກັ້ນການສວຍໃຊ້ໜ້າທີ່ບໍ່ຖືກຕ້ອງຕາມກົດໝາຍຂອງພະນັກງານທີ່ພາໃຫ້ເກີດມີສຽງຈົ່ມວ່າອັນບໍ່ດີຈາກສັງຄົມ,ເພີ່ມທະວີຄຸນະພາບການຕິດຕາມກວດກາການເຄົາລົບ,ປະຕິບັດກົດໝາຍ ແລະ ສັ່ງຟ້ອງຜູ້ຖືກຫາຂຶ້ນສານ ທີ່ເຫັນວ່າຍັງບໍ່ທັນໄດ້ຮັບການປະຕິບັດດີເທົ່າທີ່ຄວນຍ້ອນຄວາມຮູ້ຄວາມສາມາດຂອງພະນັກງານຈຳນວນໜຶ່ງຍັງບໍ່ທັນສູງ ແລະ ປະສົບການຍັງຈໍາກັດ,ຂະນະດຽວກັນກໍສືບຕໍ່ພັດທະນາພື້ນຖານໂຄງ

ລ່າງ,ອຸປະກອນຮັບໃຊ້ອັນຈໍາເປັນ ແລະ ງົບປະມານ ໃຫ້ພຽງພໍກັບຄວາມຕ້ອງການ.

ທ່ານຫົວໜ້າອົງການໄອຍະການປະຊາຊົນສູງສຸດ ໃຫ້ຮູ້ວ່າ: 5 ປີຜ່ານມາ,ຂະແໜງການຂອງຕົນໄດ້ຮັບຄໍາຮ້ອງ ແລະ ສໍານວນຄະດີທັງໝົດ 30.067 ເລື່ອງ,ໃນນີ້ສາມາດ ແກ້ໄຂແລ້ວ 29.746 ເລື່ອງເທົ່າກັບ 98,93%,ສັ່ງຟ້ອງຜູ້ກະທໍາຜິດ ແລະ ຖະແຫລງຂຶ້ນສານທັງໝົດ 21.262 ເລື່ອງ,ໃນນີ້ສານໄດ້ຕັດສີນ ຫລື ເອົາຕາມຄໍາແຫລງຂອງໄອຍະການ 20.982 ເລື່ອງເທົ່າກັບ 98,68%,ສານບໍ່ເອົາຕາມຄໍາຖະແຫລງຂອງໄອຍະການມີ 1.280 ເລື່ອງເທົ່າກັບ 6,10% ສິ່ງດັ່ງກ່າວສະແດງໃຫ້ເຫັນວ່າການປະຕິບັດ

ພາລະບົດບາດຕິດຕາມກວດກາການປະຕິບັດກົດໝາຍ ແລະ ສັ່ງຟ້ອງຜູ້ຖືກຫາຂຶ້ນ

ສານຂອງອົງການໄອຍະການຂັ້ນຕ່າງໆໄດ້ຮັບການປັບປຸງສູ່ຄຸນະພາບຕື່ມອີກກ້າວ

ໜຶ່ງໂດຍຮັບປະກັນຄວາມຖືກຕ້ອງ,ຍຸຕິທໍາ,ໂປ່ງໃສ ແລະ ທັນກໍານົດເວລາ.

ຂ່າວຈາກ: laophatthananewspaper

 

 

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...