ສຳນັກຂ່າວເອເອຟພີລາຍງານເມື່ອວັນທີ 25 ເມສາ ອົງການອະນາໄມໂລກ (WHO) ປະກາດເຕືອນເຖິງຄວາມເປັນໄປໄດ້ວ່າອາດມີຜູ້ຕິດເຊື້ອໄວຣັສຊິກາເພີ່ມຂຶ້ນສູງໃນໄລຍະບໍ່ເທົ່າໃດເດືອນຂ້າງໜ້າ ພ້ອມສະແດງຄວາມກັງວົນວ່າຊິກາອາດແພ່ກະຈາຍສູ່ພື້ນທີ່ໃໝ່ໆໄດ້.
ນາງ ມາຣີ ພອລ ຄີນ ຜູ້ຊ່ວຍເລຂາທິການອົງການອະນາໄມໂລກເປີດເຜີຍພາຍໃນງານປະຊຸມປະເດັນໄວຣັສຊິກາ ໃນນະຄອນຫຼວງປາຣີ ປະເທດຝຣັ່ງ ພາຍໃຕ້ລະດູການທີ່ຍຸງແພ່ກະຈາຍໃນເອີຣົບ ມີຄວາມເປັນໄປໄດ້ທີ່ຈະແພ່ກະຈາຍເຊື້ອໃນທ້ອງຖິ່ນລວມກັບການແພ່ກະຈາຍເຊື້ອຜ່ານທາງເພດສຳພັນ ອາດເຮັດໃຫ້ຍອດຜູ້ຕິດເຊື້ອຊິກາ ແລະມີພາວະແຊກຊ້ອນຂອງເຊື້ອເພີ່ມສູງຂຶ້ນຫຼາຍ.