ອີງຕາມຂໍ້ມູນຂອງພະແນກແຜນການ ແລະການລົງທຶນ ແຂວງຜົ້ງສາລີ ໃຫ້ຮູ້ວ່າ: ສົກປີ 2014-2015 ແຂວງໄດ້ໃຫ້ການ ຮ່ວມມື ແລະອຳນວຍຄວາມສະດວກໃຫ້ແກ່ບໍລິສັດພາຍໃນ ແລະຕ່າງປະເທດເຂົ້າມາລົງທຶນດ້ານບໍ່ແຮ່ຢູ່ແຂວງຜົ້ງສາລີ.
ປະຈຸບັນການລົງທຶນ ດ້ານບໍ່ແຮ່, ແຂວງຜົ້ງສາລີມີ 4 ໂຄງການ ທີ່ໄດ້ຮັບອະນຸຍາດການຂຸດຄົ້ນ ແລະສົ່ງອອກແຮ່ທາດ, ໃນນັ້ນ ຂັ້ນ ສູນກາງອະນຸມັດ 2 ໂຄງການຄື: ບໍລິສັດກໍ່ສ້າງລຸຍທິງເມືອງລານຊາງຈຳກັດ ສປ ຈີນ ສຳປະທານຂຸດຄົ້ນສົ່ງອອກແຮ່ຖ່ານຫີນ ໃນເນື້ອທີ່ 14,96 ກິໂລຕາແມັດ, ເຂດ ບ້ານແມ້ງກວາຝົງ ເມືອງຍອດອູ ແລະບໍລິສັດອີຊີ ຊອງລອງ ຈຳກັດ ສປ ຈີນ ສຳປະທານຂຸດຄົ້ນສົ່ງ ອອກແຮ່ທອງແດງ, ຊືນ, ສັງກະ ສີ, ໃນເນື້ອທີ່ 10 ກິໂລຕາແມັດ, ຢູ່ເຂດບ້ານສິນຈ່າຈ້າຍ (ພູຕ່າຊານ) ເມືອງຍອດອູ, ສຳລັບແຮ່ ທີ່ຂຸດຄົ້ນໄວ້ຢູ່ພາກສະໝາມຈຳນວນ 37.800 ໂຕນ, ລັດຖະບານ ລາວ ໄດ້ອະນຸຍາດສົ່ງອອກ ປະ ເທດ ສປ ຈີນ, ແຕ່ບໍລິສັດບໍ່ຈັດຕັ້ງປະຕິບັດ, ສຳລັບໂຄງການທີ່ຂັ້ນ ແຂວງອະນຸມັດມີ 2 ໂຄງການ ຄື: ອະນຸມັດບໍລິສັດ ນວນສະຫວັນ ກໍ່ສ້າງຈຳກັດ ເປັນໂຄງການຂຸດ ຄົ້ນປຸງແຕ່ງແຮ່ຄຳຕົກຂ້ອນຕາມ ລ້ອງນ້ຳອູ, ນ້ຳພາກ ແລະຫ້ວຍນ້ຳສາຂາ ມີເນື້ອທີ່ສຳປະທານ 600 ເຮັກຕາ; ໃນ 1 ປີຜ່ານມາສາມາດຂຸດຄົ້ນ ແລະປຸງແຕ່ງແຮ່ຄຳໄດ້ແລ້ວຈຳນວນ 5.051,20 ກຣາມ, ມູນຄ່າ 227.304 ໂດລາ ສະຫະລັດ, ໂຄງການຂຸດຄົ້ນປຸງ ແຕ່ງແຮ່ຖ່ານຫີນຂະໜາດນ້ອຍ ຂອງບໍລິສັດ ລາວເອີລາວເຕົາ ຢູ່ ເຂດບ້ານຈີ່ໂຈ, ສາມັກຄີໄຊ ແລະ ນ້ຳປືນ ສາມາດຂຸດຄົ້ນແຮ່ຖ່ານ ຫີນໄດ້ແລ້ວ 806 ໂຕນ, ມູນຄ່າ 282 ລ້ານກີບ.
ນອກນັ້ນ ການຄຸ້ມຄອງຫົວ ໜ່ວຍທຸລະກິດຂຸດຄົ້ນຫີນພູ, ຫີນຂົບ, ຫີນບົດ ແລະດິນໜຽວ (ຜະລິດດິນຈີ່) ໃນຂອບເຂດທົ່ວແຂວງຜົ້ງສາລີ, ລວມທັງໝົດມີ 18 ຫົວໜ່ວຍ, ໃນນັ້ນ ຂັ້ນແຂວງອະນຸ ຍາດມີ 9 ຫົວໜ່ວຍ ແລະເມືອງອະ ນຸຍາດມີ 9 ຫົວໜ່ວຍ, ໃນໄລຍະ 1 ປີຜ່ານມາບັນລຸໄດ້ດັ່ງນີ້: ຂຸດຄົ້ນຫີນພູໄດ້ 20.336,75 ແມັດກ້ອນ ລື່ນ ແຜນ 10%, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 35%, ຂຸດຄົ້ນຫີນຂົບໄດ້ 18.500,25 ແມັດກ້ອນ ລື່ນແຜນ 16% ຂອງແຜນການ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 25%, ຂຸດຄົ້ນຫີນບົດໄດ້ 8.943 ແມັດກ້ອນ, ລື່ນແຜນການ 49%, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 70%, ຂຸດຄົ້ນດິນໜຽວໄດ້ 25.024 ແມັດກ້ອນ ເທົ່າກັບ 100,10% ຂອງແຜນການ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 56%.
ຂ່າວຈາກ: 