ເມຍ “ແດງ ຈິດຕະກອນ” ອອກມາເປີດເຜີຍວ່າຕົນເອງຖືກໃສ່ຮ້າຍ ໂດຍການນຳເອົາເງິນທີ່ແຟນເພງບໍລິຈາກໃຫ້ ແດງ ຈິດຕະກອນເພື່ອໃຊ້ໃນການປິ່ນປົວສຸຂະພາບໄປຫຼິ້ນການພະນັນ ຈົນເງິນເກືອບໝົດ ເມຍ ແລະ ແມ່ ແດງ ຈິດຕະກອນຢືນຢັນວ່າບໍ່ແມ່ນຄວາມຈິງ ພ້ອມທັງໂຊຕົວເລກຍອດເງິນໃນບັນຊີໃຫ້ນັກຂ່າວໄດ້ເບິ່ງ ປັດຈຸບັນຍອດເງິນການບໍລິຈາກມີທັງໝົດ 3 ລ້ານກ່ວາບາດ ແລະ ໄດ້ມີການຖອນເງິນອອກມາ ພຽງ 5 ໝື່ນບາດເທົ່ານັ້ນ ເຫດຜົນທີ່ຖອນອອກມາກໍ່ເພື່ອເປັນຄ່ານ້ຳມັນລົດພາແດງຈິດຕະກອນໄປປິ່ນປົວທີ່ໂຮງໝໍ ແລະ ຊື້ເຄື່ອງກິນຮັບຕ້ອນແຂກທີ່ມາຢ້ຽມຢາມ ແດງ ຈິດຕະກອນ ແລະ ບອກວ່າພ້ອມໃຫ້ສັງຄົມກວດສອບຄວາມໂປ່ງໃສໄດ້
ເມື່ອວັນທີ 24 ເມສາ 2016 ຈາກກໍລະນີທີ່ ແດງ ຈິດຕະກອນ ໄວອາຍຸ 46 ປີ ນັກຮ້ອງລູກທົ່ງໝໍລຳຊື່ດັງເຈົ້າຂອງເພງໃນຕຳນານ “ຕີປ່າລ້ອມເມືອງ” ທີ່ມີເພງຄອງໃຈມະຫາຊົນເຊັ່ນ: ເພງມົນຮັກ ຕຈວ, ຫົວໃຈຄິດຮອດ, ນ້ຳຕາຜ່າເຫຼົ້າ ປ່ວຍເປັນໂຣກມະເຮັງທີ່ໂພ່ງຮູດັງໃນໄລຍະໜ້າເປັນຫ່ວງ ເຊິ່ງຕອນນີ້ໄດ້ຮັກສາຕົວທີ່ໂຮງໝໍໃນຫ້ອງປອດເຊື້ອ ພາຍໃນຫ້ອງ ໄອຊີຢູ ທີ່ໂຮງໝໍ ບູລີລຳ ເນື່ອງຈາກກວດພົບອາການປອດຕິດເຊື້ອ ແລະ ຄວາມດັນຕົກ ໂດຍມີເມຍ,ລູກ ແລະ ຍາດພີ່ນ້ອງເຝົ້າດູແລ ມີແຟນຄັບ ແລະ ນັກຮ້ອງດາຣາເຂົ້າຢ້ຽມຢາມດ້ວຍຄວາມເປັນຫ່ວງຕາມເວລາສົມຄວນທີ່ໂຮງໝໍອະນຸຍາດໃຫ້ເຂົ້າຢ້ຽມ ເມຍແດງ ຈິດຕະກອນ ເປີດເຜີຍອາການລ່າສຸດກັບນັກຂ່າວວ່າ ຕອນນີ້ ແດງ ຈິດຕະກອນ ມີອາການດີຂຶ້ນ, ຮູ້ສຶກຕົວດີ ແລະ ມີສີໜ້າສົດໃສ ແຕ່່ຕ້ອງຍັງໄດ້ຮັກສາຕົວຢູ່ໃນຫ້ອງປອດເຊື້ອ