ໃນອານາຄົດໄກ້ໆນີ້ ສປປ ລາວ ເຮົາອາດຈະໄດ້ມີເສັ້ນທາງດ່ວນ (Highway) ໃຫ້ປະຊາຊົນລາວ ໄດ້ນຳໃຊ້, ເຊິ່ງໃນວັນທີ 19 ພຶດສະພາ 2015 ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ລະຫວ່າງກະຊວງໂຍທາທິການ ແລະ ຂົນສົ່ງ ສປປ ລາວ ກັບກຸ່ມບໍລິສັດວິສະວະກຳກໍ່ສ້າງແຂວງຢູນນານ (ສປ ຈີນ) ເພື່ອສຶກສາຄວາມເປັນໄປໄດ້ໃນໂຄງການກໍ່ສ້າງເສັ້ນທາງດ່ວນ ແຕ່ນະຄອນຫລວງວຽງຈັນ ຫາ ປາກເຊ ແຂວງຈຳປາສັກ. ນອກນັ້ນ, ຍັງມີໄດ້ມີການເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືໃນການຊຸກຍູ້ສົ່ງເສີມການລົງທຶນ ລະຫວ່າງກົມສົ່ງເສີມການລົງທຶນ ກະຊວງແຜນການ ແລະ ການລົງທຶນ (ສປປ ລາວ) ແລະ ພະແນກການຄ້າແຂວງຫູນນານ (ສປ ຈີນ) ເພື່ອສົ່ງເສີມ ແລະ ດຶງດູດການລົງທຶນຮ່ວມກັນ. ກ່ອນໜ້ານີ້ ຍັງໄດ້ມີການເຊັນ MOU ກັບຝ່າຍຈີນ ໃນການສຶກສາຄວາມເປັນໄປໄດ້ຂອໂຄງການກໍ່ສ້າງເສັ້ນທາງດ່ວນ ຫລື ທາງໄຮເວ ບໍ່ເັຕ່ນ-ບໍ່ຫານ ຫາ ວຽງຈັນ ແລະ ບໍ່ເຕັນ-ບໍ່ຫານ ຫາ ຫ້ວຍຊາຍ.
ພ້ອມຍັງໄດ້ມີການສຶກສາຄວາມເປັນໄປໄດ້ໃນໂຄງການເສັ້ນທາງດ່ວນໃນຮູບແບບຂອງການຮ່ວມລົງທຶນຂອງພາກລັດ ແລະ ພາກເອກະຊົນ (Public Private Partnerships – PPP) ຂອງກະຊວງ ຍທຂ ເສັ້ນທາງ 13 ເໜືອ 7 (ສີເກີດ ຫາ ໂພນໂຮງ) ແລະ 13 ໃຕ້ (ດອນໜູນ ຫາ ປາກງື່ມ) ຊຶ່ງ ຫາກໂຄງການດັ່ງກ່າວ ຫາກມີຜົນສຳເລັດ ນັ້ນກໍຈະຊ່ວຍໃຫ້ ສປປ ລາວ ເຮົາມີທ່າແຮງຫລາຍຂື້ນ ບໍ່ວ່າຈະເປັນທາງດ້ານການຄ້າ-ການລົງທຶນ, ການຂົນສົ່ງ, ໂລຈິສຕິກ ແລະ ເຮັດໃຫ້ ສ ປປ ລາວ ເປັນຈຸດໃຈການເຊື່ອມໂຍງກັບບັນດາປະເທດເພື່ອນບ້ານ ຕາມນະໂຍບາຍຂອງພັກ ແລະ ລັດວ່າງໄວ້ ຈາກປະເທດທີ່ບໍ່ມີພົມແດນຕິດກັບທະເລ ແຕ່ເປັນປະເທດເຊື່ອມໂຍງ (land lock to land rink).
ທີ່ມາ:InvestLao ແລະ Laos News Update