ກະຊວງການເງິນ ໄດ້ສະເໜີສະພາແຫ່ງຊາດພິຈາລະນາດັດແກ້ຫລຸດແຜນລາຍຮັບງົບປະມານພາຍໃນຂອງສົກປີນີ້ລົງ 2,459ຕື້ກີບ ພ້ອມກັນນັ້ນກໍຫລຸດແຜນລາຍຈ່າຍລົງ 828 ຕື້ກີບ.
ຜ່ານການພິຈາລະນາຂອງສະພາແຫ່ງຊາດ ມາຮອດຕອນບ່າຍວັນທີ 22 ເມສາ 2016 ກອງປະຊຸມໄດ້ລົງຄະແນນເປັນເອກະພາບຮັບຮອງເອົາມະຕິການດັດແກ້ແຜນງົບປະມານແຫ່ງລັດ ໃນສົກປີ 2015-2016 ແລະ ແຜນງົບປະມານ 3 ເດືອນໄລຍະຂ້າມຜ່ານ ທີ່ສະເຫນີໂດຍກະຊວງການເງິນຄື:
+ຫລຸດແຜນລາຍຮັບຈາກ 26,159ຕື້ກີບ ມາເປັນ 23,700ຕື້ກີບ
+ຫຼຸດແຜນລາຍຈ່າຍລົງ ຈາກ 31,946ຕື້ກີບ ມາເປັນ 31,118 ຕື້ກີບ
+ຂາດດຸນ 7.418ຕື້ກີບ ເທົ່າກັບ6.43% ຂອງຈີດີພີ
ໃນໄລຍະຂ້າມຜ່ານສາມເດືອນ ຄາດຄະເນລວມຍອດລາຍຮັບພາຍໃນ ຈະໃຫ້ໄດ້ທັງຫມົດ 3,060ຕື້ກີບ ແລະ ລາຍຈ່າຍຈຳນວນ 3,560ຕຶ້ກີບ, ຂາດດຸນ 500 ຕື້ກີບ
ຂ່າວຈາກ: ຂ່າວເສດຖະກິດ-ການຄ້າ