ຟີເຈິຣ໌ໃໝ່ Facebook Messenger ເຮັດ Group Call ໄດ້ 50 ຄົນພ້ອມກັນ - ລາວໂພສຕ໌ Laopost

Click here - to use the wp menu builder

Homeມູມໄອທີລາວຟີເຈິຣ໌ໃໝ່ Facebook Messenger ເຮັດ Group Call ໄດ້ 50 ຄົນພ້ອມກັນ

ຟີເຈິຣ໌ໃໝ່ Facebook Messenger ເຮັດ Group Call ໄດ້ 50 ຄົນພ້ອມກັນ

ມູມໄອທີລາວ

Published on

22/04/2016

By ບຸດສະດີ ສາຍນ້ຳມັດ

1842

7847_160421163734DI

ອີກຄັ້ງໜຶ່ງທີ່ທາງ Facebook ໄດ້ສ້າງຄວາມຮືຮາໄປທົ່ວໂລກກ່ຽວກັບການສ້າງ ຟີເຈິຣ໌ໃໝ່ Facebook Messenger ເຮັດ Group Call ໄດ້ 50 ຄົນພ້ອມກັນ ບອກໄດ້ເລີຍ Facebook ບໍ່ທຳມະດາແທ້ໆ!

ເມື່ອມໍ່ໆມານີ້ ທາງ Facebook ໄດ້ອອກປະກາດເປີດຕົວຟີເຈີຣ໌ໃໝ່ຂອງແອຟ Messengerທີ່ມີຊື່ວ່າ: Group-calling ທີ່ມີດີແບບບໍ່ທຳມະດາ ທີ່ສາມາດໂທປະຊຸມສາຍໄດ້ເຖິງ 50 ຄົນພ້ອມກັນ ລອງຄິດເຖິງການທີ່ນັກຮຽນທັງຫ້ອງ ຫຼື ພະນັກງານທຸກຄົນໃນບໍລິສັດຂະໜາດກາງ ປະຊຸມສາຍພ້ອມກັນໄດ້ງ່າຍໆ ຜ່ານມືຖືຂອງພວກເຂົາ ເຊິ່ງມັນອາດແມ່ນການສື່ສານໃໝ່ທີ່ມີປະໂຫຍດຫຼາຍ ແລະ ສຳລັບການໃຊ້ວຽກທາງດ້ານຄວາມບັນເທີງ ແລະ ທາງທຸລະກິດ ເຊິ່ງຟີເຈີຣ໌ນີ້ຈະຄ່ອຍອັບເດດໃຫ້ຜູ້ໃຊ້ສະມາດໂຟນທັງລະບົບ iOS ແລະ Android

ຕ້ອງບອກໄດ້ເລີຍວ່າປີນີ້ ເປັນປີທີ່ Facebook ບຸກໜ້າໜັກຫຼາຍ ບໍ່ວ່າຈະເປັນການເປີດຕົວຖ່າຍທອດສົດຜ່ານແອຟ Facebook ແລະ ຟີເຈີຣ໌ Group-calling ຜ່ານແອຟ Messenger ຖືວ່າເປັນຄວາມສຳເລັດທີ່ສຸດອີກຢ່າງໜຶ່ງຂອງ Facebook ມັນມີ Active user ຫຼາຍກ່ວາ 900 ລ້ານຄົນໃນແຕ່ລະເດືອນ ຄາດການກັນວ່າເປົ້າໝາຍຂອງຟີເຈີຣ໌ໃໝ່ນີ້ກໍ່ເພື່ອໃຫ້ຄົນໄດ້ໃຊ້ງານແອຟ Messenge ກັນຫຼາຍຂຶ້ນ.

ໃນວັນໜ້າຕ້ອງຕິດຕາມກັນຕໍ່ໄປວ່າ ມຸມໄອທີ ກັບ ລາວໂພສຕ໌ ຈະມານຳສະເໜີກ່ຽວກັບຫຍັງໃນຍຸກທີ່ທັນສະໄໝ ທີ່ຄົນຍຸກໄອທີຕ້ອງຮູ້ ຢ່າລືມຕິດຕາມກັນຕໍ່ໄປເດີ້

ບົດຄວາມຫຼ້າສຸດ