Acer ໄດ້ຈັດງານເປີດໂຕຢູ່ທີ່ນະຄອນນິວຢອກ ໂດຍໃນງານຈະມີການເປີດໂຕສະມາດໂຟນແລະແລັບທ໋ອບລຸ້ນໃໝ່ຂອງບໍລິສັດ ແຕ່ວ່າມື້ນີ້ເຮົາຈະມານຳສະເໜີສະມາດໂຟນລຸ້ນໃໝ່ທີ່ໜ້າສົນໃຈກໍຄື Acer Liquid Zest Plus.
Acer Liquid Zest Plus ມີໜ້າຈໍຂະໜາດ 5.5 ນິ້ວ, ຄວາມລະອຽດ 1280 x 720 ພິກເຊວ (HD), ກ້ອງມີຄວາມລະອຽດຢູ່ທີ່ 13 ລ້ານພິກເຊວ ແລະມາພ້ອມກັບຄຸນສົມບັດບາງຢ່າງທີ່ທາງເອເຊີເອີ້ນວ່າ: Tri-focus, ແລະມາພ້ອມກັບແບັດເຕີຣີຂະໜາດໃຫຍ່ເຖິງ 5,000 mAh ພ້ອມກັບຮອງຮັບລະບົບສາກໄວນຳ. ສຳລັບ Tri-focus ໜ້າຈະໝາຍເຖິງທຸກໆປະເພດຂອງລະບົບໂຟກັດອັດຕະໂຕມັດເຊັ່ນ: – ເລເຊີ, ຄວາມຄົມຊັດ ແລະ ກວດຈັບໂຟກັດ.
ສຳລັບໃນດ້ານຂອງຮາດແວຣແລ້ວໂຕເຄື່ອງແມ່ນໃຊ້ງານຊິບປະມວນຜົນຄອດຄໍ MediaTek MT6735 ມີຄວາມແຮງຢູ່ທີ່ 1.3GHz Cortex-A53, ໃຊ້ຊິບກຣາບຟິກ Mali-T720 ແລະ RAM 2GB. ສຳລັບ ROM ໃຫ້ມາ 16GB, ກ້ອງໜ້າມີຄວາມລະອຽດ 5 ລ້ານພິກເຊວ ພ້ອມເລນແບບມຸມກວ້າງ ແລະໃຊ້ງານລະບົບ Android 6.0 Marshmallow.
Liquid Zest Plus ຈະເລີ່ມຂາຍທີ່ອາເມຣິກາໃນໄວໆນີ້ ລາຄາ $250 (2.006.000 ກີບ)
ທີ່ມາ:gsmarena