ພາຍຫຼັງທີ່ຄັດເລືອກໄດ້ນັກ ຮຽນເກັ່ງຂັ້ນ ມ.4 ແລະ ມ.7 ທົ່ວແຂວງຊຽງຂວາງໃນກາງເດືອນມີນາຜ່ານມາ,
ທາງແຂວງໄດ້ສືບຕໍ່ຫ້າງຫາກະກຽມຄວາມພ້ອມດ້ານຕ່າງໆ ເພື່ອນຳພານັກຮຽນເກັ່ງທີ່ເປັນຕົວແທນໃຫ້ແຂວງຊຽງຂວາງ ເຂົ້າໄປສອບເສັງນັກຮຽນເກັ່ງລະດັບຊາດທີ່ຈະຈັດຂຶ້ນຢູ່ນະຄອນຫຼວງວຽງຈັນໃນທ້າຍເດືອນເມສານີ້ໃຫ້ໄປຕາມແຜນທີ່ໄດ້ວາງໄວ້.
ທ່ານ ໄຊປັນຍາ ໄຊຍະຈິດ ຫົວ ໜ້າຂະແໜງມັດທະຍົມສຶກສາພະ ແນກສຶກສາທິການ ແລະກີລາແຂວງຊຽງຂວາງໄດ້ກ່າວລາຍງານໃຫ້ຮູ້ວ່າ: ຫຼັກໆທາງແຂວງໄດ້ເລັ່ງ ໃສ່ການບຳລຸງນັກຮຽນເກັ່ງເປັນພິເສດໂດຍການຈັດຕັ້ງຄູຜູ້ທີ່ມີປະສົບ ການ ແລະມີຄວາມຊຳນານໃນການສິດສອນໄປບຳລຸງໃຫ້ແກ່ນັກ ຮຽນເກັ່ງຢ່າງຕ່ຳອາທິດລະ 1 ຫາ 2 ຊົ່ວໂມງ ຢ່າງເປັນລະບົບຕໍ່ ເນື່ອງ, ແນະນຳໃຫ້ນັກຮຽນເອົາ ໃຈໃສ່ຄົ້ນຄ້ວາບົດຮຽນຢ່າງຈິງຈັງ, ຮຽນນຳໝູ່ຄູ່, ຄູອາຈານສອນ ນັບທັງພາກວິຊາສະເພາະ ແລະຄວາມຮູ້ຮອບຕົວ, ທົບທວນບົດຮຽນເກົ່າ ທີ່ໄດ້ຮຽນມາແຕ່ລະຊັ້ນຮຽນທີ່ມີ ຄວາມກ່ຽວພັນ ແລະເຊື່ອມໂຍງກັບເນື້ອໃນບົດຮຽນໃນປະຈຸບັນໃຫ້ມີຄວາມໝັ້ນໃຈ. ສຳລັບລາຍຊື່ນັກ ຮຽນເກັ່ງແຕ່ລະວິຊາ ແຕ່ລະຂັ້ນ ຮຽນທີ່ຕິດອັບດັບໃນເບື້ອງຕົ້ນເພື່ອກຽມເຂົ້າໄປສອບເສັງນັກຮຽນເກັ່ງລະດັບຊາດນັ້ນ ແມ່ນບໍ່ມີການປ່ຽນແປງ, ໃນນັ້ນຂັ້ນ ມ.7 ວິຊາຄະນິດສາດແມ່ນ ທ້າວ ວິໄລສອນວ່າງຈາກໂຮງຮຽນມັດທະຍົມຕອນປາຍໂພນສະຫວັນ ເມືອງແປກ, ວິຊາພາສາລາວ ວັນນະຄະດີ ແມ່ນທ້າວ ລໍ່ເຊ່ຍ ເຢຍລົ່ງຢ່າງ ຈາກໂຮງຮຽນມັດທະຍົມຕອນປາຍ ໂພນສະຫວັນ ເມືອງແປກ, ວິຊາຟີຊິກ ສາດ ທ້າວ ສືທ່າວ ເນັ່ງລໍ່ທ່າວ ຈາກ ໂຮງຮຽນມັດທະຍົມຕອນປາຍໂພນສະຫວັນ ເມືອງແປກ ເຊັ່ນດຽວກັນ, ສ່ວນວິຊາເຄມີສາດ ແມ່ນ ທ້າວ ໄຊຢ່າງ ຊົ້ງເຢີ ຈາກໂຮງຮຽນສາ ມັນກິນນອນຊົນເຜົ່າແຂວງ. ສຳລັບ ຂັ້ນ ມ.4 ວິຊາຄະນິດສາດ ແມ່ນ ທ້າວ ຫາປໍ ຢ່າງ ຈາກໂຮງຮຽນ ມຕ ວຽງທອງ ເມືອງແປກ, ວິຊາພາສາລາວ ວັນນະຄະດີ ແມ່ນ ນາງ ຈັນສອນ ຈັນທະວົງ ຈາກໂຮງຮຽນ ມສ ລາດຄ້າຍ ເມືອງຜາໄຊ, ວິຊາຟີຊິກສາດ ທ້າວ ຊົ່ງລໍ່ ຈົວ ຈາກໂຮງຮຽນ ມຕ ນາມ້າ ເມືອງແປກ, ສ່ວນວິຊາເຄມີສາດ ແມ່ນ ທ້າວນ້ອຍ ຈາກໂຮງຮຽນ ມສ ໜອງເປັດ ເມືອງແປກ ເຊັ່ນດຽວກັນ.
ທ່ານ ໄຊປັນຍາ ໄຊຍະຈິດ ຫົວ ໜ້າຂະແໜງມັດທະຍົມສຶກສາພະແນກສຶກສາທິການ ແລະກີລາແຂວງຊຽງຂວາງ ຍັງໃຫ້ຮູ້ຕື່ມ ອີກວ່າ ສຳລັບພາຫະນະເດີນທາງ ແລະງົບປະມານຮັບໃຊ້ຈຳນວນໜຶ່ງ ແມ່ນມີຄວາມພ້ອມແລ້ວ ຄາດວ່າ ຈະນຳພານັກຮຽນເກັ່ງອອກເດີນທາງວັນທີ 23 ເມສານີ້ ເພື່ອໃຫ້ ນັກສອບໄດ້ພັກຜ່ອນເກັບຕົວກ່ອນມື້ສອບເສັງ 1 ວັນ, ສະຫຼຸບລວມ ແລ້ວຂະບວນການກະກຽມຄວາມ ພ້ອມເຂົ້າຮ່ວມສອບເສັງນັກຮຽນ ເກັ່ງລະດັບຊາດຂັ້ນ ມ.4 ແລະ ມ.7 ສົກຮຽນ 2015-2016 ສຳລັບແຂວງຊຽງຂວາງ ມາຮອດປະຈຸບັນ ແມ່ນມີຄວາມພ້ອມແລ້ວຮ້ອຍເປີເຊັນ ແລະວາງຄາດໝາຍຜົນ ການສອບເສັງນັກຮຽນເກັ່ງສຳລັບ ວິຊາຄະນິດສາດຂັ້ນ ມ.7 ຈະໃຫ້ ຕິດອັນດັບ 1 ໃນ 3, ເພາະໃນແຕ່ລະປີຜ່ານມາແຂວງຊຽງຂວາງກໍ ໄດ້ສົ່ງຕົວແທນນັກຮຽນເກັ່ງເຂົ້າ ສອບເສັງລະດັບຊາດ ແລະເຄີຍຍາດໄດ້ອັນດັບທົ່ວປະເທດ.
ຂ່າວຈາກ: 