ໜ່ວຍສຳຫຼວດທໍລະນີວິທະຍາສະຫະລັດອາເມລິກາ ລະບຸວ່າ ເກີດເຫດແຜ່ນດິນໄຫວຂະໜາດ 6,1 ບໍລິເວນທາງຕາເວັນອອກສຽງເໜືອຂອງປະເທດຍີ່ປຸ່ນ ແຕ່ຍັງບໍ່ມີການເຕືອນໄພສຶນາມິ ແລະຍັງບໍ່ມີລາຍງານຜູ້ໄດ້ຮັບບາດເຈັບ ແລະເສຍຊີວິດແຕ່ຢ່າງໃດ.
ທັງນີ້ ຈຸດສູນກາງຂອງແຜ່ນດິນໄຫວ ຢູ່ຫ່າງຈາກເມືອງເຊັນໄດ ຮອນຊູ ໄປທາງຕາເວັນອອກສຽງໃຕ້ປະມານ 104 ກິໂລແມັດ ມີຄວາມເລິກ 51 ກິໂລແມັດ ແລະບໍ່ຫ່າງຈາກເມືອງທີ່ເກີດເຫດສຶນາມິໃນປີ 2011 ປານໃດ.