spot_img
Homeຂ່າວພາຍ​ໃນຕຳ­ຫຼວດ​ເມືອງ​ໄຊ​ບູ​ລີ ຈັບ​ຜູ້​ຄ້າ​ຢາ​ບ້າ

ຕຳ­ຫຼວດ​ເມືອງ​ໄຊ​ບູ​ລີ ຈັບ​ຜູ້​ຄ້າ​ຢາ​ບ້າ

Published on

ວັນ​ທີ 31 ມີ­ນາ 2016 ເຈົ້າ​ໜ້າ­ທີ່​ຕຳ­ຫຼວດ​ເມືອງ​ໄຊ​ບູ​ລີ​ແຂວງ​ສະ­ຫວັນ​ນະ​ເຂດ​ຮ່ວມ​ກັບ​ປກສ​ກຸ່ມ​ບ້ານ​ທີ 1 ແກ້ງ​ກະ­ເບົາ​ໄດ້​ຮັບ​ແຈ້ງ​ຈາກ​ພົນ­ລະ­ເມືອງ​ດີ​ວ່າ:ຢູ່​ຂອບ​ເຂດ​ບ້ານ​ດົງ​ພຸງ​ໄດ້​ມີ​ການ​ຄ້າ­ຂາຍ​ແລະ​ມົ້ວ​ສຸມ​ຢາ​ເສບ​ຕິດ (ຢາ​ບ້າ) ດັ່ງ­ນັ້ນ​ທາງ​ເຈົ້າ​ໜ້າ­ທີ່​ຈິ່ງ​ສົມ­ທົບ​ກຳ­ລັງ​ທຸກ​ພາກ­ສ່ວນ​ລົງ​ຕິດ­ຕາມ​ກວດ­ກາ​ຕົວ​ຈິງ​ກໍ​ພົບ​ວ່າ​ມີ​ເຫດ­ການ​ເກີດ​ຂຶ້ນ​ແທ້​ຈິ່ງ​ເຂົ້າ​ຈັບ​ກຸມ​ໄດ້​ຜູ້​ຖືກ​ຫາ 1 ຄົນ​ຄື: ທ້າວ​ຄຳ​ຫຼ້າ (ແອ້) ອາ­ຍຸ 28 ປີ, ບ້ານ​ດົງ​ພຸງ​ເມືອງ​ໄຊ​ບູ​ລີ​ໂດຍ​ໄດ້​ຈັບ​ກຸມ​ຢູ່​ຖຽງ­ນາ​ຂອງ​ຜູ້­ກ່ຽວ​ເອງ.

   ຜ່ານ​ການ​ກວດ​ຄົ້ນ​ຕົວ​ຈິງ​ໄດ້​ພົບ​ຂອງ​ກາງ​ຄື​ຢາ​ບ້າ​ຈຳ­ນວນ 223 ເມັດ​ເຊື່ອງ​ໄວ້​ໃນ​ຖົງ​ເສື້ອ​ເບື້ອງ​ຂວາ​ດັ່ງ­ນັ້ນ​ທາງ​ເຈົ້າ​ໜ້າ­ທີ່​ຕຳ­ຫຼວດ​ຈິ່ງ​ໄດ້​ກັກ​ຕົວ​ຜູ້­ກ່ຽວ​ໄວ້​ເພື່ອ​ທຳ​ການ​ສືບ­ສວນ-ສອບ​ສວນ​ແລະ​ດຳ­ເນີນ​ຄະ­ດີ​ຕາມ​ລະ­ບຽບ​ກົດ­ໝາຍ​ບ້ານ​ເມືອງ​ຕໍ່​ໄປ.

ຕາມ​ການ​ລາຍ​ງານ​ເບື້ອງ​ຕົ້ນ​ໄດ້​ໃຫ້​ຮູ້​ວ່າ: ທ້າວ​ຄຳ​ຫຼ້າ (ແອ້) ເປັນ​ບ່ອນ​ຈຳ­ໜ່າຍ​ຢາ​ເສບ​ຕິດ​ລາຍ​ຍ່ອຍ, ຂັ້ນ​ຕອນ​ຕໍ່​ໄປ​ທາງ​ເຈົ້າ​ໜ້າ­ທີ່​ຈະ​ໄດ້​ສືບ­ສວນ​ຫາ​ຕົ້ນ­ຕໍ​ເພື່ອ​ຈະ​ໄດ້​ທຳ­ລາຍ​ຮັງ​ໃຫຍ່​ຂອງ​ຜູ້​ຄ້າ​ຢາ​ເສບ​ຕິດ​ໃຫ້​ໝົດ​ໄປ​ຈາກ​ສັງ­ຄົມ.

ທີ່ມາ:logo

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...