ຂົວຂ້າມນ້ຳເຊໂດນ 3 ທີ່ເມືອງປາກເຊ ແຂວງຈຳປາສັກ ໄດ້ເປີດນຳໃຊ້ຢ່າງເປັນ ທາງການແລ້ວ ໃນວັນທີ 10 ເມ ສາຜ່ານມາ ພາຍຫຼັງທີ່ເລີ່ມກໍ່ ສ້າງມາແຕ່ຕົ້ນປີ 2014 ຊຶ່ງພິ ທີເປີດນຳໃຊ້ຂົວດັ່ງກ່າວ ມີ ທ່ານ ທອງສິງ ທຳມະວົງ ນາ ຍົກລັດຖະມົນຕີ, ທ່ານ ສອນ ໄຊ ສີພັນດອນ ລັດຖະມົນຕີ ຫົວໜ້າຫ້ອງວ່າການລັດຖະບານ, ທ່ານ ດຣ. ບຸນຖອງ ດີວິໄຊ ເຈົ້າແຂວງຈຳປາສັກ ພ້ອມ ບັນດາເຈົ້າໜ້າທີ່ກ່ຽວຂ້ອງເຂົ້າ ຮ່ວມ.
ທ່ານ ສັກໄຊ ວົງມາລາສິດ ປະທານບໍລິສັດລາວເວີນອະສັງຫາລິມະຊັບ ໃນນາມຜູ້ ຮັບເໝົາກໍ່ສ້າງໄດ້ກ່າວວ່າ: ບໍລິສັດລາວເວີນ ອະສັງຫາລິມະ ຊັບ ໄດ້ຮັບອະນຸຍາດຈາກອຳ ນາດການປົກຄອງ ແຂວງຈຳ ປາສັກ ກໍຄືລັດຖະບານແຫ່ງ ສປປ ລາວ ໃຫ້ລົງມືກໍ່ສ້າງຂົວ ຂ້າມນ້ຳເຊໂດນ 3 ເພື່ອແທນ ຂົວເກົ່າ ທີ່ມີສະພາບເປ່ເພ, ຊຸດໂຊມ ບໍ່ສະດວກໃນການ ສັນຈອນ ໂດຍການກໍ່ສ້າງໄດ້ ເລີ່ມລົງມືມາແຕ່ຕົ້ນປີ 2014 ໃນຮູບແບບລົງທຶນກ່ອນ 100% ເບື້ອງຕົ້ນຂົວເຊໂດນ 3 ແມ່ນມີຄວາມກວ້າງພຽງ 11 ແມັດ, ຍາວ 232 ແມັດ, ມີຊ່ອງທາງການສັນຈອນ 2 ເລນ ມູນຄ່າປະມານ 115 ຕື້ກີບ, ແຕ່ຍ້ອນເຫັນວ່າເສັ້ນ ທາງໃນເທສະບານເມືອງປາກ ເຊ ເປັນທາງ 6 ເລນ 8 ເລນ ຈຶ່ງໄດ້ສະເໜີມີການປັບປຸງແກ້ ໄຂໃໝ່ ໂດຍໄດ້ຍົກລະດັບ ຄວາມກວ້າງເປັນ 17 ແມັດ, ຊ່ອງທາງການສັນຈອນ 4 ເລນ ທີ່ມີຄວາມທັນສະໄໝ ປະກອບ ດ້ວຍທາງຍ່າງສອງຟາກ ມີລະ ບົບໄຟເຍືອງທາງຄົບຊຸດ.
ຂ່າວຈາກ: ປະເທດລາວ