ນາງ ວຽງ ນາດ​ບັນດິດ ເປັນປະຊາຊົນ​ບ້ານ​ທົ່ງ​ຂັນ​ຄຳ ເມືອງຈັນທະ​ບູ​ລີ ໄດ້​ກ່າວ​ວ່າ: ໄດ້​ຖື​ເອົາໄລຍະ​ບຸນປີໃໝ່​ລາວ ​ມາ​ເຮັດ​ນ້ຳຫອມ​ຂາຍ​ຢູ່​ທີ່​ວັດ​ອົງ​ຕື້ ເປັນ​ໄລຍະ 10 ກວ່າ​ປີ ເພື່ອ​ອຳນວຍຄວາມ​ສະດວກ​ໃຫ້​ກັບ​ຜູ້​ທີ່​ບໍ່​ມີ​ເວລາ​ ກະກຽມ​ນ້ຳ​ຫອມ​ສົງ​ພະ​ດ້ວຍຕົນ​ເອງ ແລະ ອຳນວຍ​ຄວາມສະດວກ​ໃນ​ການ​ອອກ​ມາ​ສົງ​ນ້ຳພະ​ຂອງ​ປະຊາຊົນ​ ເພື່ອ​ຂໍ​ພອນ​ໃຫ້ມີ​ໂຊກ​ມີ​ໄຊ​ຕາມ​ຮີດຄອງ​ປະເພນີ ສຳລັບ​ປີ​ນີ້​ແມ່ນ​ໄດ້​ເລີ່ມ​ມາ​ຈຳໜ່າຍ​ໃນ​ວັນ​ທີ 13 ຈົນ​ມາ​ຮອດມື້​ສຸດ​ທ້າຍ​ຂອງ​ງານ​ບຸນປີໃໝ່ລາວ ຈຳໜ່າຍ​ຄຸ​ໜຶ່ງ 10 ພັນ​ກີບ ສະເລ່ຍ​ລາຍ​ຮັບ​ໃນ 4 ມື້ (ໄລຍະບຸນປີໃໝ່​ລາວ) ໄດ້​ປະມານ 3 ລ້ານ​ກີບ.

ສຳລັບ​ງານ​ບຸນປີໃໝ່​ປີ​ນີ້​ແມ່ນມີ​ຄວາມ​ຄຶກຄື້ນ ແລະ ປະຊາຊົນກໍ່​ໄດ້​ຫຼັ່ງໄຫຼ​ເຂົ້າ​ມາ​ສົງ​ພະ​ພຸດ​ທະຮູບ​ ຕາມ​ຮີດຄອງ​ປະເພນີ​ຢ່າງ​ບໍ່ຂາດ​ສາຍ ຮັກສາ​ໄດ້​ຮີດຄອງ​ປະເພນີ​ທີ່​ໄດ້​ປະຕິບັດ​ສືບ​ທອດ​ກັນມາ.

ແຫລ່ງຂ່າວ: