spot_img
Homeຂ່າວພາຍ​ໃນໂຮງກັ່ນນ້ຳມັນສຳເລັດຮູບ ລາວ-ຈີນ ມີຄວາມຄືບໜ້າ ຄາດສ້າງຜົນກຳໄລກວ່າ 400 ຕື້ຕໍ່ປີ!

ໂຮງກັ່ນນ້ຳມັນສຳເລັດຮູບ ລາວ-ຈີນ ມີຄວາມຄືບໜ້າ ຄາດສ້າງຜົນກຳໄລກວ່າ 400 ຕື້ຕໍ່ປີ!

Published on

ໂຄງການ​ກໍ່ສ້າງ​ໂຮງ​ກັ່ນ​ນ້ຳມັນ​ສຳເລັດ​ຮູບ ​ຈາກ​ຜົນ​ການ​ສຶກສາ​ເຫັນ​ວ່າ ໂຄງການ​ນີ້​ແມ່ນ​ມີປະ​ສິດທິ​ຜົນ​ໃນ​ທາງ​ທຸລະ​ກິດ​ສູງ ແລະ ມີ​ຄວາມ​ສຳຄັນ​ຕໍ່​ການ​ພັດທະ​ນາ​ເສດຖະກິດ-ສັງຄົມຂອງປະເທດ​ໂດຍ​ລວມ ເປັນຕົ້ນ​ແມ່ນປະຢັດ​ເງິນຕາ​ຈາກ​ການ​ນຳ​ເຂົ້າ ວັດຖຸ​ດິບ​ທີ່​ມີ​ລາຄາ​ຕ່ຳ​ກວ່າ​ລາຄາ​ນ້ຳມັນ​ສຳເລັດ​ຮູບ ​ທີ່​ນຳ​ເຂົ້າໂດຍ​ກົງ​ຈາກ​ຕ່າງປະເທດ ເປັນການ​ຄ້ຳປະກັນ​ການ​ສະໜອງ​ນ້ຳມັນ​ໃຫ້​ກັບ​ປະເທດ​ໄດ້​ຕໍ່​ເນື່ອງ ແລະ ແຮ​ຮອງ​ນ້ຳມັນ​ໄວ້​ໃນ​ເວລາ​ສຸກ​ເສີນ ສ້າງ​ວຽກ​ເຮັດ​ງານທຳ​ໄດ້ 200 ກວ່າ​ຕຳແໜ່ງ​ງານ ແລະ ສ້າງ​ມູນ​ຄ່າ​ເພີ່ມ​ໃນ​ຕ່ອງໂສ້​ການ​ຜະລິດ ເປັນຕົ້ນ ທຸລະ​ກິດການ​ຂາຍ​ສົ່ງ ທຸລະ​ກິດ​ການ​ຈັດຫາ​ວັດຖຸ​ດິບ ແລະ ອື່ນໆ ແລະ ຄາດ​ວ່າໃນ​ແຕ່​ລະ​ປີ​ໂຮງ​ກັ່ນ​ຈະ​ມີ​ຜົນ​ກຳໄລ​ປະມານ 405 ຕື້​ກີບ (ຖ້າເປັນ​ໄປ​ຕາມ​ແຜນການ​ຄິດໄລ່).

e93f1d853c2a81af191291b49bcc936b d9886ae0c699d53578ae7696e519954aທ່ານ ໄພບູນ ພົມ​ພະ​ພິ​ທັກ ຄະນະ​ສະພາ​ບໍລິຫານ​ໂຮງ​ກັ່ນ​ນ້ຳມັນ​ເປ​ໂຕຼ​ເຄ​ມີ​ລາວ-ຈີນ​ຕົງ​ແຢນຫຸ້ນ​ສ່ວນ ໄດ້​ລາຍ​ງານ​ກ່ຽວ​ກັບຄວາມ​ຄືບ​ໜ້າ​ຂອງ​ໂຄງການ​ກໍ່ສ້າງ​ ໂຮງ​ກັ່ນ​ນ້ຳມັນ​ສຳເລັດ​ຮູບວ່າ: ໂຄງການ​ນີ້​ໄດ້​ຖືກ​ສ້າງຕັ້ງຂຶ້ນ​ມາ​ພາຍ​ໃຕ້​ສັນຍາ​ຮ່ວມ​ທຶນ ໂຮງ​ກັ່ນ​ນ້ຳມັນ​ແຫ່ງ​ນີ້​ໄດ້​ຕັ້ງ​ຢູ່ ເຂດ​ພັດທະນາ​ກວມ​ລວມ​ໄຊ​ເຊດຖາ ເມື່ອ​ກໍ່ສ້າງ​ສຳເລັດ​ແລ້ວ​ຈະຜະລິດ (ກັ່ນ) ນ້ຳມັນ​ແອັດ​ຊັງ​ໄດ້ 238.800 ໂຕນ​ຕໍ່​ປີ ກາ​ຊວນ 385.000 ໂຕນ​ຕໍ່​ປີ ແກ໊ສ​ຫຸງ​ຕົ້ມ 15.200 ໂຕນ​ຕໍ່​ປີ ເບນ​ແຊນ 10.600 ໂຕນ​ຕໍ່​ປີ ແລະ ມາດ 3.800 ໂຕນ​ຕໍ່​ປີ ລວມ​ກັນ​ປະມານ 650.000 ໂຕນ.

ea326cf6cd7e17e253243c26fa385001

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ຫາກຝ່າຝືນຈະຖືກຕັດເງິນເດືອນ

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ສຳນັກຂ່າວ Business Standard ລາຍງານໃນວັນທີ 25 ກຸມພາ 2025 ກ່ຽວກັບເລື່ອງລາວສຸດຮືຮາ ເມື່ອບໍລິສັດແຫ່ງໜຶ່ງໃນປະເທດຈີນ ອອກກົດລະບຽບ ໃຫ້ພະນັກງານສາມາດເຂົ້າຫ້ອງນ້ຳໄດ້ພຽງຄັ້ງລະ 2...

ພິທີສະເຫຼີມສະຫຼອງ ຄົບຮອບ 30 ປີ ແຫ່ງ ການສ້າງຕັ້ງ ບໍລິສັດ ເຄພີ ຈໍາກັດ

ພິທີສະເຫຼີມສະຫຼອງ ຄົບຮອບ 30 ປີ ແຫ່ງ ການສ້າງຕັ້ງ ບໍລິສັດ ເຄພີ ຈໍາກັດ ໃນວັນທີ 21 ກຸມພາ 2025 ທີ່ຜ່ານມານີ້, ບໍລິສັດ...

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມ

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມມາເປັນເວລາ 2 ປີ. ສຳນັກຂ່າວໄທລາຍງານວ່າ: ເມື່ອວັນທີ 20 ກຸມພາ 2025 ມີການລາຍງານຈາກໜ່ວຍກູ້ໄພຕຳບົນດອນບົນ...

ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ

ນາຍົກລັດຖະມົນຕີ ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ. ໃນວັນທີ 20 ກຸມພາ ທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ...