ວັນທີ 6 ເມສາຜ່ານມາ, ຄະນະສານອາຍາສານປະຊາຊົນຂັ້ນຕົ້ນ ນະຄອນຫຼວງວຽງຈັນໄດ້ຕັດສີນປະຫານຊີວິດ ທ້າວ ສືລໍ່ ອາຍຸ 46 ປີ ຢູ່ບ້ານໜອງໜ້ຽວ ເມືອງສີໂຄດຕະບອງ ນະຄອນຫຼວງວຽງຈັນ ແລະ ທ້າວ ຢືນຍົງ ຫຼື ກົງກື ອາຍຸ 41 ປີ ຢູ່ບ້ານຜາໂດ ເມືອງແມ່ສອດ ແຂວງຕາກ (ປະເທດໄທ) ໃນສະຖານຄ້າຂາຍຢາ ເສບຕິດຕາມມາດຕາ 146 ຂໍ້ 2 ວັກ ວັກ 4 ຂອງກົດໝາຍອາຍາ.
ໃນສຳນວນຄະດີມີຢູ່ວ່າ: ຕົ້ນເດືອນຕຸລາ 2015 ທ້າວ ດ້າ ໄດ້ມາຖາມຊື້ຢາ ເຮໂລອິນນຳ ທ້າວ ສື່ລໍ່ (ຈຳເລີຍ 1) ຈຳນວນຫຼາຍ. ຫຼັງຈາກນັ້ນ, ທ້າວ ສືລໍ່ (ຈຳເລີຍ 1) ໄດ້ໂທລະສັບຫາທ້າວ ຢືນຢົງ (ຈຳເລີຍ 2) ວ່າມີເຖົ້າແກ່ຢູ່ປະເທດລາວຕ້ອງການຢາເຣໂລອີນຈຳນວນຫຼາຍ. ມາວັນທີ 10 ພຶດສະພາ 2014 ທ້າວ ຢຶນຢົງ (ຈຳເລີຍ 2) ແລະນາງ ວາແຊ້ມາ (ແຟນສາວ) ເຂົ້າມາລາວ ແລ້ວໄປພັກເຊົາຢູ່ໂຮງແຮມແຫ່ງໜຶ່ງ. ຈາກນັ້ນ, ວັນທີ 11 ພຶດສະພາ 2014 ຈຳເລີຍ 1 ໄດ້ຂີ່ລົດຕູ້ມາຮັບເອົາຈຳເລີຍສາວກັບແຟນສາວ ໄປຫາທ້າວ ດ້າ ( ຊຶ່ງເປັນ ເຖົ້າແກ່ສັ່ງຊື້ຢາບ້າ) ພໍໄປຮອດທ້າວ ດ້າ ຕ້ອງການເບິ່ງຕົວຢ່າງຢາບ້າກ່ອນ. ຈາກນັ້ນ, ທ້າວ ຢືນຍົງ ຈຶ່ງໄດ້ໂທລະສັບຫາທ້າວ ລີ່ຟຸ່ງ ເປັນຄົນສັນຊາດຈີນທີ່ພັກເຊົາຢູ່ແຂວງຊຽງລາຍປະເທດໄທ ແລ້ວທ້າວ ລີ່ຟຸ່ງ ໄດ້ບອກໃຫ້ໄປລໍຖ້າຢູ່ເຂດບ້ານທ່າດີນແດງ ແລ້ວຈະມີຄົນເອົາຢາມາໃຫ້ເບິ່ງ. ຈາກນັ້ນ, ຈຳເລີຍ 1 ແລະ ຈຳເລີຍ 2 ໄດ້ຂີ່ລົດໄປຕາມຈຸດນັດໝາຍ. ສ່ວນນາງ ວາແຊ້ມາ ແລະນາງ ຊົນທິລາ ໄດ້ລໍຖ້າຢູ່ໂຮງແຮມ ພໍໄປຮອດໄດ້ ປະມານ 45 ນາທີ ໄດ້ມີຊາຍອາຍຸປະມານ 36 ປີ ຂີ່ລົດຈັກມາພ້ອມກັບຢາເຮໂລອິນ ຈຳນວນ 2 ແທ່ງ ແລ້ວເຫັນວ່າເປັນຢາທີ່ຕ້ອງການ ຈິ່ງພາກັນກັບໄປ ເຮືອນພັກ. ມາວັນທີ 10 ພຶດສະພາ 2015 ຈຳເລີຍ 1, ຈຳເລີຍ 2, ນາງ ວາແຊ້ມາ ແລະນາງ ຊົນທິລາ ໄດ້ພາກັນຂີ່ລົດໄປເບິ່ງເງິນນຳທ້າວ ດ້າ ຢູ່ບ້ານໄຊສົມບູນ ເຫັນວ່າມີເງິນແທ້ ແລ້ວຖາມ ທ້າວ ດ້າ ວ່າຕ້ອງການຢາເຮໂລອິນ ຈຳນວນ 30 ຄູ່ ເທົ່າກັບ 60 ແທ່ງ ເມື່ອ ຕົກລົງກັນແລ້ວ ຈຶ່ງພາກັນແຍກທາງ.
ມາຮອດເວລາປະມານ 15:00 ໂມງທ້າວ ດ້າ ໄດ້ໂທລະສັບສັ່ງຊື່ຢາເຮໂລອິນ ອີກຈຳນວນ 4 ຄູ່ ລ່ວມເປັນ ຈຳນວນ 68 ແທ່ງ. ຈາກນັ້ນ, ຈຳເລີຍ 2 ໂທ ຫາທ້າວ ລິ່ຟຸ່ງ ບອກໃຫ້ເອົາຢາມາສົ່ງ ໃຫ້ຢູ່ບ້ານທ່າດີນແດງ ຮ່ອມ 4 ແລ້ວຈະ ເຫັນສັນຍາລັກເປັນຍອດໄມ້ວາງໄວ້ຕໍ່ໜ້າເຮືອນ ຫຼັງຈາກນັ້ນ, ທ້າວ ສືລໍ່ (ຈຳເລີຍ 1) ແລະທ້າວ ຢືນຍົງ (ຈຳ ເລີຍ 2) ໄດ້ໄປຮັບເອົາຢາເຮໂລອິນ ຢູ່ຕາມຈຸດນັດພົບ ເມື່ອຮອດໄດ້ມີຊາຍ 2 ຄົນ ເອົາຢາບ້າມາສົ່ງໃຫ້ຈຳນວນ 48 ແທ່ງ ພາຍຫຼັງໄດ້ຢາບ້າແລ້ວ ກໍນຳສົ່ງໃຫ້ທ້າວ ດ້າ ຢູ່ເຮືອນພັກພໍໄປຮອດ ຈິ່ງໄດ້ຖືກກັກຕົວພ້ອມຂອງກາງດັ່ງກ່າວ.
ທີ່ມາ: