ສະໜາມບິນທີ່ອັນຕະລາຍທີ່ສຸດໃນໂລກຄືສະໜາມບິນນານາຊາດຊາບາ ຕັ້ງຢູ່ເທິງເກາະເຊນ ມາຕິນ ທາງພາກຕາເວັນອອກສຽງເໜືອຂອງທະເລແຄຣິບຽນເປັນສະໜາມບິນທີ່ມີທາງແລ່ນທີ່ສັ້ນທີ່ສຸດໃນໂລກ ໂດຍມີຄວາມຍາວພຽງ 400 ແມັດເທົ່ານັ້ນ ເປັນອຸປະສັກຕໍ່ການລົງຈອດ ນັກບິນຕ້ອງມີຄວາມຊຳນານທີ່ສຸດ.
ຕາມຂ່າວຕ່າງປະເທດລາງານວ່າ ສະໜາມບິນ ຍິບຣອລຕາ ໃນບິຍຣອລຕ້າ ຊຶ່ງມີຊາຍແດນພາກເໜືອຕິດກັບແອັດສະປາຍສ້າງຂຶ້ນສະໄໝສົງຄາມໂລກຄັ້ງທີ 2 ມີຖະໜົນສາຍຕົ້ນຕໍໃຫ້ລົດສັນຈອນຂ້າມຜ່ານສະໜາມບິນ 1 ເສັ້ນທາງທຸກຄັ້ງທີ່ເຮືອບິນຂຶ້ນ ແລະ ລົງຈອດຈະຕ້ອງໄດ້ປິດຖະໜົນເພື່ອບໍ່ໃຫ້ລົດແລ່ນຜ່ານ, ສະໜາມບິນແຫ່ງທີ່ 3 ຄື ສະໜາມບິນ ລັກລາ ຊຶ່ງປ່ຽນຊື່ມາເປັນສະໜາມບິນເທັນຊິງ-ຮິລາຣີ ຕັ້ງຢູ່ທາງພາກຕາເວັນອອກຂອງເນປານ ລະບົບຄວບຄຸມການຈາລະຈອນທາງອາກາດບໍ່ທັນສະໄໝ ບໍ່ມີແສງໄຟ, ມີກະແສໄຟຟ້າໃຊ້ພຽງເລັກນ້ອຍ, ສະໜາມບິນແຫ່ງທີ 4 ຄື ສະໜາມບິນ ມາເດຣ່າ ທີ່ປອັກຕຸຍການ ຕັ້ງຢູ່ທ່າມກາງພູສູງ ແລະ ນ້ຳທະເລ ເຄີຍເປັນສະໜາມບິນທີ່ມີທາງແລ່ນແຄບຫຼາຍ ນັກບິນທີ່ນຳເຮືອບິນລົງຈອດຕ້ອງມີຄວາມຊຳນານສູງ.
ສະໜາມບິນທີ່ 5 ຄືສະໜາມບິນພາໂຣແຫ່ງພູຖານ ຕັ້ງຢູ່ເທິງພູຫິມາໄລ ເປັນສະໜາມບິນອັນຕະລາຍທີ່ສຸດໃນໂລກ ເນື່ອງຈາກມີນັກບິນພຽງ 8 ຄົນເທົ່ານັ້ນທີ່ມີຄຸນສົມບັດນຳເຮືອບິນລົງຈອດທີ່ສະໜາມບິນນີ້ໄດ້ ໂດຍສະໜາມບິນແຫ່ງນີ້ຕັ້ງຢູ່ເໜືອລະດັບນ້ຳ 2.414 ແມັດ ແລະ ອ້ອມຮອບດ້ວຍພູສູງກວ່າ 18 ພັນຟຸດທາງແລ່ນມີຄວາມຍາວພຽງ 1,98 ກິໂລແມັດເທົ່ານັ້ນ.
ຂ່າວຈາກ: ເສດຖະກິດ-ສັງຄົມ