ສຳລັບບໍລິສັດ HTC ນີ້ຈະເຫັນໄດ້ວ່າຫຼາຍໆຮອບທີ່ຜ່ານມານັ້ນ ຍອດຂາຍທາງດ້ານສະມາດໂຟນຕົກຕ່ຳຫຼາຍ ອັນເນື່ອງມາຈາກບັນຫາທາງດ້ານເທັກນິກແລະລາຄາຂອງສະມາດໂຟນທີ່ແພງເກີນຈິງ. ແຕ່ວ່າບໍລິສັດ HTC ກໍຍັງບໍ່ທໍ້ຖອຍກັບຕະຫຼາດສະມາດໂຟນເຊິ່ງຫຼ້າສຸດນີ້ກໍໄດ້ມີການເປີດໂຕສະມາດໂຟນເຮືອທຸງລຸ້ນໃໝ່ນັ້ນກໍຄື HTC 10
ສຳລັບ HTC 10 ນີ້ມີໜ້າຈໍຂະໜາດ 5.2 ນິ້ວ, ຄວາມລະອຽດ 2560×1440 ພິກເຊວ (Quad HD) ແລະໃຊ້ຈໍ Super LCD. ໃຊ້ງານຊິບປະມວນຜົນ Qualcomm Snapdragon 820 ສຳລັບປະເທດອາເມຣິກາ (ຊິບປະມວນຜົນຈະແຕກຕ່າງກັນຕາມແຕ່ລະປະເທດ). ROM 32/64GB (ຮອງຮັບ microSD ສູງສຸດ 2TB), RAM 4GB
ໃນດ້ານຂອງກ້ອງຫຼັງແມ່ນມີຄວາມລະອຽດ 12 ລ້ານພິກເຊວ UltraPixel ມາພ້ອມກັບ 1.55um ພິກເຊວ ແລະຄ່າ f/1.8, ຮອງຮັບ OIS, ເລເຊີໂຟກັດອັດຕະໂນມັດ, RAW ແລະ ຮອງຮັບການຖ່າຍວີດີໂອແບບ 4K ແລະໂໝດກ້ອງແບບ Pro.
ສຳລັບກ້ອງໜ້ານັ້ນມີຄວາມລະອຽດ 5 ລ້ານພິກເຊວ ມາພ້ອມກັບເລນ ultra-wide, ຮອງຮັບ OIS, 1.34um ພິກເຊວ ແລະຄ່າ f/1.8.
ສຳລັບສິ່ງທີ່ຂາດບໍ່ໄດ້ສຳລັບສະມາດໂຟນຂອງ HTC ນັ້ນກໍຄືລະບົບສຽງ HTC BoomSound Hi-Fi Edition ເຊິ່ງມາພ້ອມກັບ Dolby Audio ແລະ woofer + tweeter, ໄມໂຄຣໂຟນຕັດສຽງລົບກວນອີກ 3 ອັນ.
ສຳລັບ HTC 10 ນັ້ນແມ່ນໃຊ້ງານລະບົບ Android 6.0 Marshmallow ຄອບທັບດ້ວຍ HTC Sense 8 UI. ແບັດເຕີຣີ 3,000mAh, ມີລະບົບສະແກນລາຍນິ້ວມື ແລະຮອງຮັບພອຣດ USB Type-C. ໂຕເຄື່ອງນັ້ນມີໃຫ້ເລືອກເຖິງ 4 ສີໄດ້ແກ່: Carbon Grey, Glacier Silver, Topaz Gold ແລະ Camellia Red
ທີ່ມາ:Phonearena