ສຳນັກຂ່າວຊຽງໄຮ້ອີສ ສື່ທ້ອງຖິ່ນໃນປະເທດຈີນ ລາຍງານເລື່ອງລາວສຸດແສນສະລົດໃຈ ກໍລະນີແມ່ຄົນຈີນ ອາຍຸ 63 ປີ ໃນເມືອງ ເຊິນເຈິ້ນ ຂ້າຕົວຕາຍດ້ວຍການໂດດລະບຽງຊັ້ນ 9 ຈາກຫ້ອງພັກອາພາດເມັ້ນ ຫວັງໃຫ້ລູກຊາຍນຳເອົາເງິນປະກັນຊີວິດທີ່ເຄີຍຊື້ໄວ້ໄປປິ່ນປົວໂຕເອງ ຈາກການເຈັບປ່ວຍ ພ້ອມທັງຂຽນຂໍ້ຄວາມສັ່ງເສຍໄວ້
ຕ້ອງຍ້ອນກັບໄປໃນປີ 2005 ລູກຊາຍໄດ້ຮັບການວິນິດໄສຈາກໝໍວ່າເປັນໂຣກ ຂໍ້ຮູມາຕິກ ຊະນິດຮູນແຮງ (Bechterew’s Disease) ເປັນຜົນໃຫ້ກະດູກສັນຫລັງພິການ ແລະສູນເສຍຄວາມຢືດຢຸ່ນ ສົ່ງຝົນໃຫ້ປວດແລະບໍ່ສາມາດຍັບຄໍໄປຈົນຮອດແຜ່ນຫລັງສ່ວນລຸ່ມໄດ້ ຈົນກະທັ້ງອາການຮຸນແຮງຂື້ນຈົນບໍ່ສາມາດຍ້າຍສະໂພກໄດ້ແລະຄໍບໍ່ສາມາດເໜັງໄດ້ຈົນຕ້ອງໄດ້ອອກຈາກວຽກ
ຄອບຄົວຕ້ອງໃຊ້ເງິນຈຳນວນຫລາຍເພື່ອຮັກສາລູກຊາຍ ສົ່ງຜົນໃຫ້ແມ່ຂອງເຂົາເກີດມີຄວາມຄຽດຢ່າງໜັກທັງນີ້ລາວຈື່ໄດ້ວ່າເຄີຍຊື້ປະກັນຊີວິດໄວ້ກ່ອນໜ້ານີ້ ເມື່ອວັນທີ 22ມີນາທີ່ຜ່ານມາລາວຈຶ່ງຕັດສິນໃຈໂດດຕຶກຂ້າຕົວຕາຍ ເພື່ອໃຫ້ໄດ້ຮັບເງິນປະກັນຊີວິດຈຳນວນ 300,000 ຢວນ (ປະມານ 400ລ້ານກີບ) ຫັງນຳເງິນປະກັນໃຫ້ລູກຊາຍໄປປິ່ນປົວໂຕເອງ ແຕ່ກັບບໍ່ໄດ້ເບິ່ງວ່າ ປະກັນດັ່ງກ່າວໝົດອາຍຸຕັ້ງແຕ່ເດືອນ ພະຈິກ ປີກາຍ ແລະຍັງລະບຸໄວ້ອີກວ່າຈະບໍ່ຈ່າຍເງິນໃຫ້ແກ່ຜູ້ເສຍຊີວິດທີ່ຂ້າຕົວຕາຍ ໂດຍເຫດການດັ່ງກ່າວສ້າງຄວາມສະເທືອນໃຈໃຫ້ແກ່ລູກຊາຍຢ່າງສຸດຂີດ ເນື່ອງຈາກຕ້ອງສູນເສຍແມ່ໄປໂດຍທີ່ບໍ່ໄດ້ຮັບເງິນປະກັນຈັກຢວນ.
ຂ່າວຈາກ: ສຳນັກຂ່າວເອບີຊີ