spot_img
Homeຂ່າວທ້ອງຖິ່ນຮອງ​ເຈົ້າ​ຄອງ​ຮຽກຮ້ອງ​ໃຫ້​ສະຫຼອງປີ​ໃໝ່​ຢ່າງ​ມີ​ສະຕິ

ຮອງ​ເຈົ້າ​ຄອງ​ຮຽກຮ້ອງ​ໃຫ້​ສະຫຼອງປີ​ໃໝ່​ຢ່າງ​ມີ​ສະຕິ

Published on

ວັນ​ທີ 7 ​ເມສາ​ນີ້, ທ່ານ​ ສາຍທອງ ​ແກ້ວ​ດວງ​ດີ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ​ໄດ້​ຖະ​ແຫຼງຕໍ່​ສື​ມວນ​ຊົນ​ວ່າ: ​ເນື່ອງ​ຈາກ​ບຸນປີ​ໃໝ່​ລາວ​ປີ​ນີ້​​ໄດ້​ພັກ​ຍາວ​ກ່ວາທຸກ​ປີຄື: ເລີ່​ມ​ແຕ່​ວັນ​ທີ 13 – 16 ​ເມສາ​ນີ້, ສຳລັບ​ກິດຈະ​ກຳ​ຕ່າງໆ​ແມ່ນ​ຈະ​​ເລີ່​ມຈັດ​ຂຶ້ນ​ໃນ​ວັນ​ທີ 13 ​ເມສາ​ເປັນ​ຕົ້ນ​ໄປຄື: ຢູ່ບໍລິເວນ​ຫາດ​ດອນ​ຈັນ​ ​ແລະ ​ເສັ້ນທາງ​​ແຄ​ມຂອງ, ຖະໜົນ​ເສດ​ຖາ​ທິລາດ, ຈະ​ມີ​ການ​ເປີດ​ຕະຫຼາດ ນັດວາງສະ​ແດງ ​​ແລະ ຂາຍ​ສິນຄ້າ, ​ແຂ່ງຂັນ​ກິລາ,  ຕົບ​ພະທາດ​ຊາຍ, ​ແຫ່​ນາງ​ສັງຂານ ແລະ ຫົດສົ່ງພະພຸດທະຮູບຕາມປະເພນີ ແລະ ວັນທີ 16 ຈະມີພິທີໃສ່ບາດ, ຖວາຍສັງຄະທານ, ບາສີ ສູ່ຂວັນດັ່ງ​ເຄີຍ​ປະຕິບັດ​ມາ ​ແລະ ​ເພື່ອ​ເຮັດ​ໃຫ້​ບຸນປີ​ໃໝ່​ລາວ​ປີ​ນີ້​ຮັກສາ​ໄດ້​ຮີດຄອງ​ປະ​ເພນີ​ອັນ​ດີງາມ​ຂອງ​ຊາດ, ​ຈຶ່ງ​ຮຽກຮ້ອງ​ໃຫ້​ປະຊາຊົນ​ລາວ​ບັນດາ​ເຜົ່າ​ໃນ​ຂອບ​ເຂດ​ທົ່ວ​ປະ​ເທດ, ກໍ​ຄື​ຊາວ​ນະຄອນ​ຫຼວງ​ວຽງ​ຈັນ, ຈົ່ງ​ຫຼິ້ນ​ບຸນປີ​ໃໝ່ຢ່າງ​ມີ​ສະຕິ,​ໂດຍ​ສະ​ເພາະ​ແມ່ນ​ໄວ​ໜຸ່ມ​ໃຫ້​ເອົາ​ໃຈ​ໃສ່​ເປັນ​ພິ​ເສດ​,ເປັນຕົ້ນແມ່ນການຫົດນ້ຳຕ້ອງໃຊ້ນຳທີ່ສະອາດ ແລະ ບໍ່ໃຫ້ໃຊ້ຖົງຢ່າງດຶກ, ແກວ່ງໃສ່ກັນ, ການນຸ່ງຖືກໍຕ້ອງໃຫ້ສຸພາບຮຽບຮ້ອຍ, ບໍ່ໃຫ້ນຸ່ງເຄື່ອງທີ່ມີລັກຊະນະໂປ້ເປືອຍ ຈົນເກີນໄປ, ການດື່ມກິນກໍໃຫ້ມີສະຕິ, ເມົາແລ້ວຫ້າມຂັບລົດຢ່າງເດັດຂາດ ​ແລະ ສິ່ງ​ສຳຄັນ​ແມ່ນ​ພ້ອມ​ກັນ​ຮັກສາ​ຄວາມ​ເປັນ​ລະບຽບຮຽບຮ້ອຍ ​ແລະ ຄວາມ​ສະອາດ​ຕາມ​ຖະໜົນຫົນທາງ ​ແລະ ສະຖາ​ນທີ່​ຈັດ​ງານ​ຕ່າງໆ,​ດ້ວຍ​ການ​ບໍ່​ຖິ້ມ​ຂີ້​ເຫຍື້ອ​ຊະຊາຍ, ​ໃຫ້​ພໍ່​ແມ່​ຜູ້​ປົກຄອງ​ຈົ່ງເປັນເຈົ້າການບອກສອນລູກຫຼານຂອງຕົນໃນການຫຼິ້ນບຸນປີໃໝ່​ໃຫ້​ມີ​ບັນຍາກາດ​ເບີກບານ​ມ່ວນ​ຊື່ນ​ຮັບປະກັນ​ຄວາມ​ເປັນ​ລະບຽບ​ຮຽບຮ້ອຍ ​ແລະ ຄວາມ​ສະຫງົບ​ປອດ​ໄພ, ໂດຍສະເພາະແມ່ນການຫົດສົງ​ກັນ​ຕ້ອງໃຊ້ນ້ຳທີ່ສະອາດ, ຕ້ອງຂໍອະນຸຍາດຈາກເພີ່ນເສຍກ່ອນຈຶ່ງຫົດ, ຫ້າມບໍ່ໃຫ້ຫຼິ້ນສິ່ງເປິະເປື້ອນ, ການໄປມາຕ້ອງມີສະຕິເພື່ອປ້ອງກັນບໍ່ໃຫ້ມີອຸປະຕິເຫດ​ເກີດ​ຂຶ້ນ.

 

ຂ່າວຈາກ: laophatthananewspaper

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...