ເປັນອີກໜຶ່ງເຫດການປະກົດການຫຍໍ້ທໍ້ທີ່ເກີດຂຶ້ນໃນສັງຄົມລາວບໍ່ເວັ້ນແຕ່ລະວັນ ໃນຕອນເຊົ້າຂອງມື້ນີ້ ວັນທີ 7 ເມສາ 2016 ທີ່ ບ້ານນາເຕີຍ, ເມືອງຫຼວງນ້ຳທາ, ແຂວງຫຼວງນ້ຳທາ. ໄດ້ມີຊາຍເມົາຢາບ້າ ແລ້ວອາລະວາດ ຈູດເຮືອນໄໝທັງຫຼັງ ຈາກນັ້ນ ໄດ້ແຂວນຄໍຂ້າຕົນເອງຕາຍ. ນີ້ເປັນອີກຕົວຢ່າງໜຶ່ງທີ່ບໍ່ດີ ບໍ່ຄວນນຳເອົາໄປເປັນແບບຢ່າງ.

ຄຳວ່າ “ຢາບ້າ” ຟັງແຕ່ຊື່ກໍ່ຮູ້ແລ້ວວ່າເສບລົງໄປແລ້ວຈະເຮັດໃຫ້ຕົວເອງເປັນບ້າ ແຕ່ກໍ່ຍັງມີກຸ່ມຄົນບາງຈຳນວນທີ່ມີຣົດນິຍົມຜິດໆ ທີ່ມັກເຮັດມັກລອງສິ່ງທີ່ຄົນທົ່ວໄປບໍ່ເຮັດກັນ ຢາເສບຕິດແມ່ນອັນຕະລາຍຢ່າງໜຶ່ງທີ່ເປັນຕົ້ນເຫດເຮັດໃຫ້ສັງຄົມມີຄວາມວຸ້ນວາຍ ບໍ່ວ່າຈະເປັນສັງຄົມໃນຄອບຄົວ, ບ້ານ, ເມືອງ, ແຂວງ, ປະເທດ ທຸກຝ່າຍໄດ້ຮັບຜົນກະທົບຢ່າງຫຼີກລ່ຽງບໍ່ໄດ້.