ວັນທີ 31 ມີນາ 2016 ທີ່ໂຮງແຮມແລນມາກແມ່ຂອງລີເວີໄຊ ໄດ້ຈັດງານແຟເຊິນ ເພື່ອການກຸສົນຂຶ້ນເພື່ອຊ່ວຍເຫຼືອສູນພັດທະນາແມ່ຍິງພິການລາວໂດຍໃຫ້ກຽດເຂົ້າຮ່ວມຂອງທ່ານ ນາງ ບັນດິດ ປະທຸມວັນ ຮອງປະທານສູນກາງສະຫະພັນແມ່ຍິງລາວ, ທ່ານ ນາງ ຈັນເພັງ ສີວິລາ ອຳນວຍການສູນພັດທະນາແມ່ຍິງພິການລາວ, ທ່ານ ນາງ ອໍລະໄທ ສັນຕິຄົງຄາ ປະທານໂຮງແຮມແລນມາກແມ່ຂອງລີເວີໄຊ, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ ພ້ອມດ້ວຍບັນດາແຂກທີ່ຖືກເຊີນ ແລະບັນດາຜູ້ໃຫ້ການສະໜັບສະໜູນເຂົ້າຮ່ວມ.
ການຈັດງານແຟເຊິນເພື່ອການກຸສົນ ໃນຄັ້ງນີ້ ແມ່ນເປັນການສົ່ງເສີມ ແລະ ເຫັນໄດ້ເຖິງຄວາມສຳຄັນ ທັງເປັນການເປີດໂອກາດໃຫ້ແມ່ຍິງພິການໄດ້ສະແດງຄວາມສາມາດ ໄດ້ເຊື່ອໝັ້ນໃນຕົນເອງ ແລະມີບົດບາດຄືກັບແມ່ຍິງທົ່ວໄປດັ່ງຫົວຂໍ້ທີ່ວ່າ “ຄວາມງົດງາມໃນຄວາ
ມບໍ່ສົມ ບູນແບບ” ຊຶ່ງບໍ່ມີສິ່ງໃດງົດງາມໄປກວ່າການທີ່ຜູ້ຍິງຄົນໜຶ່ງໃຫ້ອະໄພຕົນເອງໃນຄວາມບໍ່ສົມບູນແບບນັ້ນແຫຼະແມ່ນຄວາມງົດງາມທີ່ແທ້ຈິງ.
ງານດັ່ງກ່າວ ຖືເປັນຄັ້ງທຳອິດທີ່ໂຮງແຮມແລນມາກແມ່ຂອງລີເວີໄຊ ຮ່ວມກັບຜູ້ສະໜັບສະໜູນຫຼາຍທ່ານຈັດຂຶ້ນ ເພື່ອເອື້ອຍນ້ອງແມ່ຍິງພິການ ແລະໄດ້ຈັດໃຫ້ບັນດາເອື້ອຍນ້ອງແມ່ຍິງພິການເປັນນາງແບບຫຼັກໃນການຍ່າງເທິງເວທີ ແລະຍັງໄດ້ຮັບກຽດຈາກບັນດານາງ ສາວລາວ, ສິລະປິນດາລາ, ອົງການ ແລະສະຖານທູດຕ່າງໆມາຊ່ວຍຍ່າງກັບເອື້ອຍນ້ອງແມ່ຍິງພິການເຮົາເພື່ອສ້າງຄວາມສາມັກຄີອີກດ້ວຍ.
ໂອກາດນີ້ ທ່ານ ນາງ ອໍລະໄທ ສັນຕິຄົງຄາ ກ່າວວ່າ: ຮູ້ສຶກເປັນກຽດຢ່າງຍິ່ງທີ່ງານການກຸສົນຄັ້ງນີ້ໄດ້ຜົນຕອບຮັບທີ່ດີ, ຈິ່ງຢາກຂໍສະແດງຄວາມຂອບໃຈມາຍັງທຸກພາກສ່ວນທັງພາກລັດ ແລະ ເອກະຊົນ, ລວມເຖິງບັນດາສະຖານທູດ ທັງ 10 ປະເທດທີ່ໃຫ້ກຽດເຂົ້າຮ່ວມງານ ແລະໃຫ້ການຊ່ວຍເຫຼືອ.
ທີ່ມາ: