ເມືອງມໍລະດົກໂລກຫຼວງພະບາງ ເມືອງຍອດນິຍົມແຫ່ງການທ່ອງທ່ຽວຍັງຄົງສາມາດດຶງດູດເອົານັກທ່ອງທ່ຽວຈາກທົ່ວທຸກມຸມໂລກມາທ່ຽວຊົມປີໜຶ່ງນັບຫລາຍລ້ານຄົນຈົນກາຍເປັນທີ່ໝາຍຕາຂອງນັກລົງທຶນຈາກຕ່າງປະເທດສົນໃຈເຂົ້າມາລົງທຶນໃສ່ດ້ານການບໍລິການການທ່ອງທ່ຽວນັບມື້ນັບເພີ່ມຂຶ້ນມາຮອດປະຈຸບັນນີ້ ມີການລົງທຶນຂອງນັກທຸລະກິດຈາກປະເທດດັ່ງກ່າວຢູ່ແຂວງຫຼວງພະບາງມີທັງໝົດ 25 ໂຄງການ, ລວມມູນຄ່າ 36 ລ້ານໂດລາສະຫະລັດ.
ເມື່ອທ້າຍເດືອນມີນາມານີ້ ທ່ານ ດຣ. ບົວຄົງ ນາມມະວົງ ຮອງເຈົ້າແຂວງໆຫຼວງພະບາງ ຜູ້ຊີ້ນຳວຽກງານຂົງເຂດເສດຖະກິດ ໄດ້ໃຫ້ຮູ້ວ່າ: ປະຈຸບັນແຂວງ ຫຼວງພະບາງ ໂດຍສະເພາະເມືອງມໍລະດົກໂລກຫລວງພະບາງ ຊຶ່ງກາຍເປັນຈຸດສຸມເປົ້າໝາຍຂອງນັກທ່ອງທ່ຽວມາຈາກທົ່ວທຸກມູມໂລກເຂົ້າມາທ່ຽວຊົມນັບຫຼາຍລ້ານຄົນຈົນກາຍເປັນທີ່ໝາຍຕາຂອງນັກລົງທຶນຫັນມາລົງທຶນໃສ່ດ້ານການບໍລິການການທ່ອງທ່ຽວນັບມື້ນັບຫຼາຍຂຶ້ນ ສະເພາະນັກທຸລະກິດໄທມາຮອດປະຈຸບັນ ໄດ້ມາລົງທຶນຢູ່ແຂວງຫຼວງພະບາງທັງໝົດ 25 ໂຄງການ, ລວມມູນຄ່າການລົງທຶນທັງຫມົດ 36 ລ້ານໂດລາສະຫະລັດ.
ທັງນີ້ ການລົງທຶນສ່ວນໃຫຍ່ແມ່ນ ໃນຂະແຫນງການບໍລິການ, ໂຮງແຮມ, ເຮືອນພັກ ແລະຮ້ານອາຫານ ເພື່ອໄວ້ຄອຍບໍລິການແກ່ນັກທ່ອງທ່ຽວທີ່ເຂົ້າ ມາທ່ອງທ່ຽວຢູ່ຫຼວງພະບາງຈາກການສະຫຼຸບໂຕເລກນັກທ່ອງທ່ຽວເຂົ້າມາທ່ຽວຊົມເມືອງມໍລະດົກໂລກຫຼວງພະບາງໃນໄລຍະ 6 ເດືອນຕົ້ນປີນີ້ ມີທັງໝົດແລ້ວ 3,24 ແສນຄົນ, ທຽບໃສ່ 6 ເດືອນປີຜ່ານມາ ເພີ່ມຂຶ້ນ 28,8 ພັນຄົນ, ເທົ່າກັບ 9,75%, ໃນນັ້ນມີນັກ ທ່ອງທ່ຽວສາກົນ 2,38 ແສນຄົນ, ເພີ່ມຂຶ້ນ 20,4 ພັນ ແລະນັກທ່ອງທ່ຽວພາຍໃນມີ 85,8 ພັນຄົນ.
ທີ່ມາ: