ເຈົ້າໜ້າທີ່ພັກລັດຖະບານມຽນມາຖະແຫຼງວັນນີ້ວ່າ ນາງ ອອງຊານ ຊູຈີ ຈະບໍ່ຮັບຕຳແໜ່ງໃນ 2 ກະຊວງສຳຄັນ ແຕ່ຈະຍັງຄົງຕຳແໜ່ງໂຄສົກປະທານາທິບໍດີມຽນມາ.
ສຳນັກຂ່າວຕ່າງປະເທດລາຍງານວ່າ: ນາງ ຊູຈີ ໄດ້ຮັບຕຳແໜ່ງສຳຄັນໃນລັດຖະບານພົນລະເຮືອນຊຸດທຳອິດຂອງປະເທດໃນຮອບຫຼາຍສິບປີ ຂະນະທີ່ສະມາຊິກສະພານິຕິບັນຍາດພັກສັນນິບາດແຫ່ງຊາດເພື່ອປະຊາຕິປະໄຕ (ເອັນແອລດີ) ຊຶ່ງເປັນພັກລັດຖະບານພະຍາຍາມຊຸກຍູ້ໃຫ້ຕັ້ງຕຳແໜ່ງທີ່ປຶກສາພິເສດປະທານາທິບໍດີມຽນມາສຳລັບນາງຊູຈີ ຊຶ່ງເທົ່າກັບມີອິດທິພົນທັງໃນທຳນຽບປະທານາທິບໍດີ ແລະໃນສະພາ, ກ່ອນໜ້ານີ້ພັກເອັນແອລດີລະບຸວ່າ ນາງຊູຈີຈະມີຕຳແໜ່ງຄຸມ 4 ກະຊວງໄດ້ແກ່ ກະຊວງຕ່າງປະເທດ, ກະຊວງພະລັງງານ, ກະຊວງສຶກສາທິການ ແລະ ລັດຖະມົນຕີປະຈຳທຳນຽບປະທານາທິບໍດີ ແຕ່ໃນການປະຊຸມສະພາມື້ນີ້ ໂຄສົກພັກເອັນແອລດີຖະແຫຼງວ່າ ນາງຊູຈີຈະບໍ່ຮັບຕຳແໜ່ງໃນກະຊວງພະລັງງານ ແລະກະຊວງສຶກສາທິການ ແຕ່ຈະຍັງຄົງຕຳແໜ່ງໂຄສົກປະທານາທິບໍດີໄວ້.