ສຳນັກຂ່າວຕ່າງປະເທດ ລາຍງານໃນວັນທີ 3 ເມສາຜ່ານມານີ້ວ່າ ກອງ​ປະ​ຊຸ​ມສະພາ​ແຫ່ງ​ຊາດ​ຫວຽດນາມ ​ສະ​ໄໝ XIII ໃນວາລະປະຊຸມປະຈຳ​ວັນ​ທີ ​2 ​ເມສາ 2016 ຜ່ານມານີ້ ໄດ້​ສືບ​ຕໍ່​ດຳ​ເນີນ​ການ​ປ່ອນ​ບັດ ​ເລືອກ​ຕັ້ງປະທານ​ປະເທດ​ຫວຽດນາມຄົນໃໝ່ ໂດຍແມ່ນທ່ານ ​ເຈີ​ນດາຍ​ກວາງ ​ອາຍຸ 59 ປີ ກຳມະການກົມ​ການ​ເມືອງ ສູນກາງພັກກອມມູນິດຫວຽດນາມ, ລັດຖະມົນ​ຕີວ່າການ ກະຊວງ​ຕຳຫລວດຫວຽດນາມ ໄດ້​ຖືກ​ເລືອ​ກຕັ້ງເປັນ​ປະທານປະ​ເທດຫວຽດນາມຄົນ​ໃໝ່ ດ້ວຍ​ຄະ​ແນນສຽງ 436 ຈາກ​ຄະ​ແນນ​ສຽງທັງ​ໝົດ 465 ສຽງ ແລະ ໄດ້ເຂົ້າພິທີ ສາບານຕົນເພື່ອ​ຮັບ​ຕຳ​ແໜ່​ງຢ່າງເປັນທາງການ ໂດຍທ່ານໄດ້ໃຫ້​ຄຳໝັ້ນສັນຍາວ່າ ຈະ​ພະຍາຍາມ​ເຮັດ​ໜ້າທ່ີ​ຢ່າງ​ເດັດ​ດ່ຽວ ​ເພື່ອ​ປົກ​ປ້ອງ​ອະທິປະ​ໄຕຂອງປະ​ເທດ​ຊາດ.